ISIBONISO - Ukucobelela ngolwazi lweNgculazi kanye neSandulela Ngculazi

Emphakathini waseKlaarwater ngaseMariannhill KwaZulu-Natal, iqembu elizinikezele labesifazane bahlangane nomngani futhi nomholi uAnn Prince ukuqguqguzela abantu ekutheni bakhulume ngengculazi ngokusungula iqembu elizokweluleka libonise umphakathi elibizwa ngokuthi ISIBONISO.

Ngenkathi uAnn etholakala ukuthi unesandulela ngculazi ngo1995, udokotela wakhe wamtshela ukuthi usesalelwe amasonto ambalwa ukuba aphile, kodwa wabhekana nalesisimo ngethemba nokugquqguzeleka, okwathi emva konyaka nezinyanga eziyisikhombisa waphumela obala.

Emuva kokuba ehambele imihlangano eminingi ehlanganisa abanye abantu abaphila negciwane lengculazi, uAnn wagquqguzeleka ukuthi asungule uhlelo lomphakathi ngolwazi ayenalo elalizosiza ukunciphisa ukuhlukumezeka nokucwaswa kwabantu abanegciwane. Waxhumana nabantu ababebona ngasolinye naye wakwazi ukuthola abesifazane abayisishiyagalolunye abazovolontiya bahlangane ukuze baphe izaluleko mayelana negciwane lencgulazi kanye nezinye izinkinga zempilo ezasezikhungethe umphakathi wase Klaarwater.

Ngaqala ukuphuza amaphilisi okulwa nesandulela ngculazi ngo 2001 kuchaza uAnn kodwa angenza ngagula kakhulu ngendlela yokuthi ngayeka ukuwaphuza ngonyaka olandelayo. Ngokudla ukudla okunempilo, nokuphumula ngokwanele nokuzinakekela nokubhekelela impilo yami ngazo zonke izikhathi ngikwazile ukukhuphula amasotsha omzimba (iCD4 count) akhe afinyelele ku 787 ngale kokusebenzisa amaphilisi. Ukholelwa ekutheni ngokuphila impilo eqondile nethembekile, efaka ukuziveza obala ngesimo sakho, ukuzinakekela nokuzinikela nokukholelwa kuwena kungehlisa ukubhebhezeleka ukuqhubeka kwegciwane. Ngiyisibonelo esiphilayo esitshengisa ukuthi kuyenzeka lokhu ngifuna ukutshengisa nabanye ukuthi bangakwenza nabo.

Iqembu ekukhona kulo uAnn, udadewabo uNosibusiso, Nana Ngobese, Thuli Zimu, Nomusa Masango, Connie Mthabela kanye noKhanyisile Nkosi laqala ukusebenza ngaloluhlelo ngo2002. Ihovisi balivula ngo 15 August 2003 kodwa akekho oseke weza waphumela obala nakuba bakhona abagula ngabodwana emakhaya. Sixhumene nomhlengikazi ophethe emtholampilo ukuba abanikezele kithi abanegciwane lengculazi. Sizofuna umxhaso ukuze sikwazi ukwenza izithombe nezikibha ukuze sikwazi ukwazisa umphakathi ngalendawo nokuthi siqoqe imininingwane ebhaliwe yolwazi esizoyinika iziguli.

Uxhaso luzodingeka ukuze kuqashwe umabhalane ozosebenza usuku lonke, umuntu ozohlala emahovisi, okwamanje asinawo amanzi, ugesi, izindlu zangasese kanye nezingcingo. Amalunga eqembu azosayina isivumelwano sokuthi ngeke bakhokhelwe ngomsebenzi abawenzayo.

Ihovisi lisendaweni lapho kukhona isitolo sika mama kaAnn esakhiweni esincane esingasasetshenziswa ngenxa yokugqekezwa. Iqembu linethemba lokuqasha isitolo esixhume kulendawo ukuze kusetshenzelwe kuso ukweluleka iziguli ngamalunga ayisihlanu, amabili awo aqeqeshiwe esibhedlela iSt Mary's ukululeka nokusiza iziguli. Amalunga aye ahlanganyela ekuqeqeshweni mayelana nengculazi nemithetho kanye namalungelo abantu abaphila negciwane lengculazi (ikakhulukazi nokungahlonishwa isithunzi sabo nasezimfihlweni zabo) e SocioLegal Studies eNyuvesi yaseNatal.

Ngeke silivule ngokusemthetheweni ihovisi size sikwazi ukuxhumana nelungu leqembu lezempilo kulendawo, kusho uNana. Sifisa ukwandisa izinhlelo ngokuba siluleke ngesifo somdlavuza, isifo sikashukela kanye nesofuba ukuze kungabi sengathi sibhekene nesifo sengculazi kuphela lokhu kuyokwehlisa ukuzinyeza kubantu abanesandulela ngculazi. Sizoqala ukusebenza kusukela ngehora lesishiyagalombili ekuseni kuze kushaye ihora lesine ntambama.

USister Gumbi ongumhlengikazi emtholampilo uyosiza uma ebiziwe noma eceliwe wavuma ukuthi uyoluxhasa uhlelo ngazozonke izindlela. Leliqembu ilona elasungula loluhlelo futhi lingabanikazi balo, lithi kumele kuqhubeke ngalendlela. ISIBONISO siqanjwe kumbe sethiwe ngendodana kaAnn ngoba nguyena umsunguli wokuqala waloluhlelo. Loku kusho ukuthi ngizonibinisa ngokuzinikela nokuzimisela , uAnn uyisibonelo emphakathini.

Ngingumuntu ohlale emelene neqiniso okwaziyo ukumelana nezingqinamba, ngiyakwazi nokuzibekela okubalulekile empilweni yami. Ngikholelwa ekuxhaseni ngokomoya, nokuthi ukutshela nokubonisa abantu ukuthi bangaphila ngenye yezindlela ezinamandla kakhulu.

Ukuzigqaja kukaAnn kumvikele kakhulu ezimweni ezihlukumezayo. Ngelinye ilanga abagqugquzeli banobuhle womphakathi bangincenga ukuba ngiphumele obala ngitshele abantu ukuthi nginesandulelangculazi kodwa ngabatshela ukthi kumele ngikhokhelwe ngokwenza njalo. Kunabanye abangakholwa ukuthi nginesandulela ngculazi ngoba ngibukeka ngiphile kahle futhi ngiwumqemane.

Uma udinga izeluleko ngeSiboniso ungaxhumana nalaba abalandelayo:

Ann Prince: 082 816 1873

Nomusa Masango: 083 615 3600

Thuli Zimu: 072 424 1139

Nosibusiso Prince: 083 953 0380

Noma Uma ungakwazi ukusiza lamavolontiya ngandlela thile, xhumana nayinoma ubani kulaba abalandelayo:

Nana Ngobese: 083 759 8754 noma email ku ngobesen1@nu.ac.za

Connie Mthabela: 083 278 0033

Khanyisile Nkosi: 072 222 8613

<<Back