UHULUMENI WASEKHAYA UKUBEKEZELA KANYE NOBUHOLI
Ngema kuka2004

Ukuze kuqiniswe izinhlelo ezibhekela ubulili ngosuku LweNgculazi ngo2004, ngaphansi kwefulegi elithi “sinakekela ndawonye abesifazane kanye nabantwana”, ochungechungeni lwemihlangano yokufundisa ngo-Okthoba. Iqondiswe kubaluleki ngokukhetha ukuhlolwa, abaphathi bezempilo kanye nokuphepha emsebenzini, abasebenzi ababheke impilo yabasebenzi abaphhuma kuhulumeni kanye nasezinhlanganweni ezizimele, izinhloso zemihlangano zazibandakanya:

• Ukujulisa ukuqonda ngesidingo sokugxila kwabesifazane kanye namantombazane uma kukhulunywa ngengculazi,
• Ukwazisa ngekwatholwa umbiko weqembu likaNobhala wenhlangano yezizwe elibheke abesifazane, amantombazane kanye nengculazi,
• Ukubheka lombiko osekukhulunywe ngawo ungasetshenziswa kanjani ezinhlelweni zosuku lomhlaba lwengculazi, kanye
• Nokubheka ukuthi njengamanzi umsebenzi wezengculazi uhleleke kanjani ngobulili

Iqembu LinaNobhala labunjwa ngo2003 ukucubungula eziqondene nabesifazane kanye namantombazane eAfrika eseNingizimu. Umsebenzi emazingeni aphanzi emazweni ayisishiyagalolunye kulelizwekazi elinezinga eliphezulu lengculazi1 , waveza ulwazi olubalulekile ngobubanzi kanye nobunjalo balesifo, kanye nezindawo eziyisithupha lapho usizo ludingeka khona kakhulu.

U Vicci Tallis weGAF, oyilungu laleliqembu, wabika ngalezindawo eziyisithupha embikweni, oveza nezinguquko ezidingekayo kohulumeni ekusebenziseni umthetho kanye nokuhlela imigomo kanye nezinhlelo.

Izindawo eziyisithupha ezabalulwa iqembu elibheke Abesifazane, Amantombazane kanye neNgculazi

• Ukuvikela
Umbiko uveza ukuthi umbandela oqavile oqhubeza ukwanda kokuzwana kwamantombazanae amancane kanye nabesilisa abakhulile (ababashiya ngeminyaka esuka ku5 kuya ngo 10). Ukwehlukana kwamandla kulobudlelwano kwenza amantombazane aba sengozini yokutheleleka ngokuhlukunyezwa, ukuxhashazwa kanye nodlame. Imizamo yokuvikela kumele avume ukuthi mancane amathuba alamantombazane okwenza izinqumo eziphusile, ezizimele mayelana nokungayi ocansini, ukwethembeka kanye nokusebenzisa ijazi.
Umbiko uveza isidingo sokuzibandakanya kukahulumeni emizamweni egxilisa ulwazi lomphakathi ngendlela ubudlelwano ngezocansi phakathi kwamantombazane kanye namadoda amadala kunawo, obungamukelekile, obuhlukumeza ngayo kanye nokungabi semthethweni kwabo. Uhulumeni kumele abone futhi ukuthi imizamo enikeza abesifazane izwi esixazululweni futhi edingida ngqo izindaba ezingamahlazo idinga “izindawo eziphephile” zokuphikisana.


• Imfundo
Yize noma ukubhalisa kwamantombazane ezikoleni eAfrika eseNingizimu kuphezulu kakhulu kunokwabafana, inselelo ukugcina lamantombazane esesikoleni. Ubufakazi bukhomba ukuthi amantombazane ayashiya esikoleni uma eseyizintandane, noma ayonakekela abagulayo, noma ngenxa yomthelela wengculazi kwezomnotho womndeni.

Ukulekelelwa noma ukuyekwa kokukhokha izimali zesikole kanye nokugcina intengo yezincwadi kanye nemifaniswano iphansi ezinye zezinto ezidinga uhulumeni acabange ngobuchule. E Namibia kanye naseSwazini, usizo lwezomnotho luyanikezwa ezikoleni ezikhungethwe ububha, kanye nezimpesheni emindenini ehlwempu kanye namathuba okwenza imali emantombazaneni.

Izindlela zokufunda ezishintshshintshayo njengezikathi ezimbili zokufunda, ukufunda amabanga amaningi kanyekanye, ukufunda ngeposi kanye nezinhlelo ezincane zokufunda zingezinye izindlela. Ukufundisa ngomsakazo kanye namalungu omphakathi ezindaweni zomphakathi kube yimpumelelo eZambia kanye naseMalawi.

• Udlame
Udlame lunysa ingozi yokutheleleka ngengculazi. Ukwelashwa okusheshayo (njengaloko okwenziwa kwabahlukunyeziwe) kungavimbela ukutheleleka, kodwa ekugcineni ucwaningo luveza ukuthi umthelela wokuhlunyezwa ngokocansi usho ukuthi owesifazane noma intombazane iyozibandakanya emikhubeni eyingozi ngokuqhubeka nempilo.
Imizamo esemazingeni aphansi enikeza umpheme kanye nokweluleka kanye nokukhuthaza ukufinyelela osizweni lwezempilo ibalulekile. Uhulumeni waseNingizimu Afrika, usebenzisana nezinhlangano ezizimele, usuwakhe izikhungo ezingaphezu kuka90 ezinika lonke usizo kulabo abasinde odlameni lwasemakhaya kanye nasekuhlukunyezweni ngokocansi. Lezikhungo zinamaPhoyisa, oSonhlalakahle, Abeluleki kanye nabezeMpilo. Inani elikhulayo labesilisa eselingenele impi yokulwa nokuhlukumeza ngezocansi. Elinye iqembu elenza lokhu iSouth African NGO Men For Change.

• Izimpahla kanye namafa
Izinselelo zomthetho kahulumeni kanye nowesintu zibandakanya ukunqatshelwa kwamalungelo abesifazane ukuthatha ifa lomhlaba noma izimpahla. Ukuhlupheka ngemuva kokushona komyeni, umasihlalisane noma umzali kungafaka owesifazane engxakini enkulu yokuxhashazwa, udlame kanye nokuthelelwa ngengculazi.
Usizo olungasetshenziswa uhulumeni libandakanya izindlela zokubuyisela impahla ephucwe umnikazi, ukuqeqeshwa kwabeluleki kwezomthetho ukunikeza izeluleko kanye nosizo, ukulungisa izinhlelo zokuphathwa komhlaba, ukufaka ezinhlelweni kwamalungelo ezamafa kanye nokuhlelwa kwamafa ezindaweni ezehlukene.

• Abesifazane kanye namantombazane njengabanakekeli
Abesifazane isikhathi esiningi bayazikhethela ukubheka izintandane, abagulayo kanye nabashonayo emphakathini. Incane inzuzo ehlanganiswa nalemisebenzi ebabeka engozini enkulu yokutheleleka. Umbiko ukhuthazela uhlaka lwamavolontiya ukucacisa izikhathi zomsebenzi, inkokhelo, ukulekelelwa kwezomqondo kanye nokunye ukuvikelwa okudingekayo ukwenza lomsebenzi. Izinto ezizokwenza kusebenzeke kalula njengamagilavu, izihlanzi kanye nokudla kumele kunikezwe. Kuphinde kuphakanyiswe nokuthi bafakwe emisebenzini enenzuzo.

• Izinqginamba ekutholeni usizo kanye nokwelashwa
Umbiko uveza ukwesabela ukucwaswa, udlame kanye nokubandlululwa uma uveza isimo sakho ngengculazi njengezithiyo ezinkulu ekufinyeleleni kwabesifazane ekunakekelweni kanye nasekwelashweni. Imizamo edlulayo kwabesifazane iye kulabo ababambisene nabo kanye nemiphakathi abakuya iyadingidwa. Ukubandakanywa kwabesilisa ohlelweni lokuvikela ukutheleleka komntwana ozalwayo kanye neminye imizamo kungenye yezindlela ezidinga ukubhekwa.

Amathuba okuqeqeshwa nge eThekwini AIDS Programme: 2005

Umnyango wohlelo lwengculazi waseThekwini (AIDS Programme) uzonikeza izinhlobo ezehlukene zoqeqesho ngo2005. NgoMashi 2005, abahleli abayisishiyagalolunye, abamele izinhla ezehlukene, bazosebenza njengomxhumanisi phakathi komphakathi kanye neAIDS Programme. Abahleli bazoba nomsebenzi wokwakha izigungu kanye nokwenza kutholakale izinsiza kanye noqeqesho.

Enye yezinto ezizobe zibalulekile ngo 2005 kuzoba ukusiza abeluleki kanye nezinhlangano zomphakathi ukwakha kanye nokuthola imvume yokwenza izikhungo zokuzinikela ukweluleka kanye nokuhlolwa (VCT). I AIDS Programme inohla lwezinto ezingenziwa nezingatholakala ezingasetshenziswa uma kwenziwa lokhu. Uma kubhekwa ukuthi umthetho umisa umsebenzi wabeluleki ekuhloleni, Izinhlangano zomphakathi kanye nabeluleki bayakhuthazwa ukuxhumana nabahlengikazi asebethathe umhlalaphansi kanye nodokotela uma benza loluhlelo.

Ohlelweni olujabulisayo, umkhandlu, nemali ozoyithola kuhulumeni omkhulu, uzokhipha uhlelo lokuqeqesha onompilo oluthatha izinsuku eziwu 59. Lomgodla wokuqeqesha ohlonishwayo ngu Mthetho Wokuthuthukiswa kwamaKhono, ubanzi futhi uqukethe izihloko ezisuka ekuzinikeleni ekwelulekweni kanye nokuhlola, ukuvikela kokutheleleka kwabantwana abazalwayo, kanye namakhambi adambisa ingculazi. Ukuqale kuhlolwe, ukuhlolwa masonto onke, ukwenza ngezandla kanye nokuvivinywa kokugcina iyona ndlela yokuhlola esetshenziswayo. Uqeqeso lubandakanya amathuba okusebenzisa amakhono ekufundiseni ontanga, ukweluleka kanye nobunompilo. Onompilo ababhalisile (nokuyilabo abaqede uqeqesho) bayokwazi ukuqashwa uhulumeni. Abamele umphakathi noma amaqembu athile bangakwazi ukufaka isicelo saloluqeqesho lwamahhala olungenziwa ngesikhathi esisodwa noma luhlukaniswe lwenziwa umhleli osemphakathini, uma sebeqeqeshiwe. Uma udinga eminye imininingwane ungathinta uSandra Zuma noma uKrishnee Nair ku 300 3104.

Ucwaningo lusohlelweni

UMnyango wezeMpilo waseThekwini uthatha izinyathelo ukuqinisekisa ukuthi abalingani bawo kwezocwaningo babamba iqhaza ekwakhiweni kohlaka lomgomo wezempilo wesifundazwe sezempilo saseThekwini. Isinyathelo esiya lapha ngo 2004 kube yi-workshop ehlanganise abaphathi bezempilo eThekwini, abamele ikomidi locwaningo laseThekwini, amakhansela ezempilo, ukuphepha, nokuvikeleka, abamele umnyango wezempilo yemvelo waseThekwini, ababheke ezamaklinikhi eThekwini kanye nabamele izinhlangano ezihambise iziphakamiso zocwaningo ekomidini locwaningo laseThekwini kuze kube maje (eminyakeni emithathu edlule likhona), okufaka iHIVAN, iCAPRISA, iHealth Systems Trust kanye neMedical Research Council.

Lezizihloko ezilandelayo kwaxoxwa ngazo:

• Izizathu zokwakhiwa kohlaka lomgomo wezempilo;
• Amasu ahlukene nemibandela okufanelwe inakwe;
• Ukuxhumana (okufaka ukusabalalisa nokuhlola) kanye
• Izindlela zokuphathwa kocwaningo lwezempilo.

Lezi ezinye zezinto ezakhulunywa ngaphansi kwezihloko.

Siludingelani uhlaka lomgomo wezempilo na?
Izethameli zakwemukela ukuthi uhlaka luzohlanganisa ukubambisana nokubamba iqhaza, luvikele nabacwaningwayo. Uhlaka luzovumela umnyango waseThekwini ukuthi uhole ekuchazeni izidingo zocwaningo kunokuphendula izicelo zocwaningo. Lungenza ukuthi kwande ukutholakala kwezimali bese lubalula izinto ezibalulekile ekufakeni izicelo zezimali. Ekunikeni imigomo ngocwaningo oludingekayo lungafaka ngisho uhlelo lokuhlolwa kwezicelo.
Uhlaka lungahlela ubudlelwane nezinhlangano zocwaningo zangaphandle (njengokuthi, uma izinto ezibalulekile zibekwa njalo kanye ngonyaka, izinhlangano zocwaningo zingabheka kulezizinto, ngokuyalela abafundi noma ocwaningweni lwazo).

Uhlaka lungaletha izindlela zokugcina imibandela ethize kanye nokuhlola ubunjalo bocwaningo, ukwenza izinto ezibalulwa ucwaningo nokubeka amazinga angachemile.

Amanye amasu noma imigomo okufanele inakwe
Kwavunyelwana ukuthi kufanele kube nemibandela ethize ebekiwe. Lemibandela ingachazwa kabanzi uma sekusetshenzwa. Ubalulekile umgomo osebenzisekayo, ohambisana nemigomo kazwelonke kanti nokuhlaziya kwesigungu esizimele kubalulekile (njengesigungu sezempilo sesifunda). Kwabekwa futhi nokuthi umgomo kufanele ubeke imibandela yokwamukelwa kwezicelo ezihlanganise konke, ezinomthelela omuhle ekwethulweni kwemisebenzi, ezakhela phezu kocwaningo oluseke lwenzeka. Kwabekwa futhi umbono wokusebenziswa kwezikhungo ezisemthethweni ukuba zisize ngemibandela.

Izindlela zokubamba iqhaza nokuxhumana
Kwaphakanyiswa ukufaka abafanele ekusakazweni komgomo (mhlwube kuvuleleke), kwagcizwlelwa ukufaka abasemazingeni okusebenza. Kwavunyelwana futhi ngokuthi kusetshenziswe izithangami esezivele zikhona ukubamba iqhaza, kanye nokusabalalisa ulwazi, kanti nokwakhiwa kwesithangami esisha nakho kwavunyelwana ngakho uma kunesidingo. Kwabonakala njengenqola elungile yokuxhumana ukuba nezinsuku ezivulelekile zocwaningo nokuba noshicilelo locwaningo. Kwaphakanyiswa futhi ukuthi kwakhiwe imigudu yokuthumela imiphumela yocwaningo uma ingeke isebenze esifundazweni saseThekwini.

Ukuphathwa kocwaningo lwezempilo
Izethameli zaphakamisa ukuthi iTheku kufanele lelule indlela yokwakheka kwekomidini locwaningo futhi icibe abaphathi nabasebenzi ngamakhono ocwaningo. Ukufunwa kwezimali ukuze kusebenzwe ngemiphumela yocwaningo kwabonakala njengento ebaluleke kakhulu. Ukufakwa komnyango wesifunda wezempilo kwaphakanyiswa njengelinye iphuzu.

<<Back