ISITHANGAMI SEHIVAN/WCRP

Izikhulumi kwisithangami seHIVAN/WCRP

Isithangami sabaholi bezenkolo beHIVAN/WCRP kanye nabacwaningi ngeNgculazi esasibanjwe ngoOkthoba sasibheka okwenzekayo manje mayelana nokuvikelwa, ukwelashwa kanye nokunakekelwa okuphathelene nengculazi kuqondwe ekusetshenzisweni ngokulekelelana kwezindlela zendabuko kanye nezamanje kwezokwelapha. Lesigungu sasihanjelwe ngabantu ablainganiselwa ku70 usihlalo kunguPaddy Meskin.

Izikhulumi zaibandakanya laba: Nksz Bongi Gwala kanye noNksz Queen Ntuli, abaqhamuka enhlanganweni I eThekwini Traditional Healers’ Council, kanye nezikhulumi ezahlukene ezivela eUKZN kubalwa noDkt Nceba Gqaleni, wohlelo lwezokwelapha ngokwendabuko, DKT James Hartzell, Ongumhleli weTraditional, Complementary and Alternative medicine (TCAM) Project, DKT Rajen Coopan, Ayurvedic Medicine, Nkk Anne Hutchings, Wezokuxutshwa kwamakhambi endabuko, kanye noDKT Mohamed Solwa (IMA), Wezamakhambi aseNtshonalanga.
U Nksz Gwala kanye noNksz Ntuli bakhuluma ngamandla abo okwelapha. Njengokomlando wabelaphi bendabuko, uma ilungu lomndeni elingumelaphi wendabuko lidlula emhlabeni, isiphiwo sidlulela kwelinye ilungu lalowomndeni. Ukwelapha kwendabuko kubonwa njengomsebenzi ongcwele onemithetho ukuqinisekisa ukuthi umelaphi uhlanzekile futhi unomoya.

Imithi ekhishwayo ekwelapheni kwendabuko iyehluka – eminye ihlala isikhathi eside seyenziwe kanti eminye misha kuye ngohlobo lokugula olubonakele. Ngesinye isikhathi kubalulekile ukusebenzisa amathambo ezilwane. Abelaphi bendabuko abelaphi umuntu oyedwa kuphela, bakwazi ukufinyelela emndenini wonke. Kuhlale kunokuxhumana nabelaphi bendabuko futhi kuxhumaneka kalula nabo.

U Dkt Nceba Gqaleni wakubalula ukuthi sinenhlanhla ukuba nabelaphi bendabuko abaningi kangaka abazinze eThekwini. Sekwenziwe ucwaningo ukuthola ukuthi izitshalo ezisetshenziswa abelaphi zisebenza kanjani. Isikole sezokwelapha besiloku sihlangana nalaba abanalolwazi futhi sesize sabambisana nabo. Kunezindawo lapho abelaphi bendabuko bemema uqeqesho. Umnyango kaDkt Gqaleni usudlulile ekubambeni imihlangano yokufundisa kodwa sewakhe uhlelo ukuze kusimame ukwelapha kwendabuko.

U Dkt James Hartzell wagqamisa iTCAM project oluxhumana nabelaphi bendabuko abaningi. Wazwakalisa ukweseka ifa lokwelapha kwendabuko, kodwa wavuma futhi ukuthi ubuchwepheshe bubodwa ngeke bakuchaza loku okwenziwa abelaphi bendabuko. Udkt Hartzell uqobo lwakhe watshelwa ukuthi akhulume namadlozi akhe ngezimo ezithile, ezabe sezixazululeka.

U Dkt Rajen Cooppen wakhuluma kakhulu ngemigomo yemithi (ayuvedic). Wathi ubuchwepheshe bempilo buwuhlelo locwaningo olusekelwe emithethweni yemvelo, umoya, umqondo, imizwa kanye nenyama. Imithetho yendalo isebenza kuko konke. Amakhambi elapha izinkomba. Kodwa ukwelapha kweayuvedic kuqoqa konke. Ukwehluka ngokwakhiwa kusho ukuthi abekho abantu ababili abemukela umuthi ofanayo ngendlela efanayo. Inkolelo ithi akekho udokotela onokwelapha – imvelo kuphela enokwelapha. Udkt Cooppen wakubalula ukuthi kunamakhambi amabili asemataniswe nokunciphisa ukungaphatheki kahle ezigulini zengculazi.

U Nkk Anne Hutchings wezokuxutshwa kwamakhambi wakuqhakambisa ukuthi uDkt Peter Haselau waqala umtholampilo olekelela ngengculazi esibhedlela saseNgwelezane ngo1997. Lomtholampilo wawunezinhloso zokunikeza aabantu abaphila nengculazi usizo kanye nokwelapha, kanye nokuthola izindlela ezifinyelelekayo futhi ezisebenzayo zokulwa nalesifo. Ngo 1999 uNkk Hutchings wamenywa nguDkt Haselau ukuthi babambisane ekubhekeni iziguli ngokubona usizo lwezinto zokugcoba ezimbili ayezakhile, esebenzisa izihlahla zendabuko, ukuze kwelashwe izinkinga zesikhumba ezejwayelekile endaweni.

Ngokubonisana noDkt Nigel Gericke, wakwazi futhi ukweluleka aphinde akhiphe amakhambi okwelapha ezinye izifo eziqhamuka eceleni ezinjengamalonda, ikhanda kanye nezinkinga ngokuphefumula. Amakhambi abandakanya izitshalo ezintsha ezikhiwe engadini yakhe kanye nasengadini yezihlahla zokwelapha aseyakhile eNyuvesi yakwaZulu. Inombolo yabantu abahambela lomtholampilo futhi abakhetha ukubonwa kanye nokwelashwa nguye isikhule isuka ku11 ngoNovemba 1999 iya ngaphezulu kuka400 ngoOkthoba 2002 [iye ngaphezu kuka 800 ngoDisemba 2003].

Amaphilisi eSutherlandia enziwe ngamahlamvu omisiwe athathwa izona zonke iziguli ezihambela lomtholampilo futhi amanyaniswa nobungcono esisindweni, amandla kanye nempilo nje. Ukuhlolwa kobuthi emahlamvini kwenziwa iMRC ezinkawini futhi kwatholakala ukuthi aphephile kuzo zonke izinhlobo ezahlolwa. Kunezinto ezining ezitholakalayo ngokusebenza kwawo, kubandakanya ubufakazi bokunyuka kwamasotsha omzimba kanye nokwehla kwegciwane emzimbeni. Iziguli eziningi zabika ubungcono ekuvulekeni kwenhliziyo kanye namandla.

Ukwelapha ngamakhambi okwenziwa emtholampilo kusiza ezinkingeni eziningi ezikhungethe abaphethwe ingculazi futhi kumatanyiswa nokunyuka kwezinga lempilo kulabo abangakagulu kanye nasebegula kakhulu. Kulungelene nokuthuthukiswa kokulashelwa emakhaya, ezibhedlela kanye nasemitholampilo yezinkampani. Kudingeka uhlelo lokucwaninga ngokushesha ukuze kuqinisekiswe loku okushiwo nguDkt Gericke, kosizo olwenziwa iSutherlandia ezigulini. Lokhu kungasiza ukukhuthaza ukusetshenziswa kwalolusizo.

Waqhubeka waveza ukuthi:

• Ezabelweni lapho kungelula ukufinyelela emitholampilo futhi nezikhungo zokunakekela zibaliwe, ukuqeqeshwa kwabasebenzi bezempilo kanye nabanakekeli kanye nokuthuthukiswa kokutshala emakhaya noma emphakathini kungaba nosizo olukhulu.
• Kudinga kwezniwe izinhlelo zokuqeqesha
• Ukungathembeki kanye nokudla umsoco kuyizinkinga ezitholwa ining leziguli zethu. Ezinye izinkinga ezidinga ukubhekwa zibandakanya ukucwaswa kanye nokungafundi.

U Dkt Mohamed Solwa, imithi yaseNtshonalanga, weneliswa ukuhlanganiswa kolwazi. Waphawula ukuthi kumele sigcine imiqondo yethu ivulekile ezindleleni ezehlukene ezikhona futhi sibheke abantu ngokuphelele, njengoba kwakwenza amGriki kanye namaArab enza ezamakhambi ngokuphelele. Babesebenzisa wonke amakhambi ayekhona ngekhululeminyaka ka 9 no 12 futhi lokwelapha kwakusebenza kakhulu. Emva kwaloko ukwelapha kwaqala ukwehlukana. Kwakhuthazwa imithi eyejwayelekile hhayi eyendabuko. Loku sekuyashintsha sekuqalile futhi ukubhekwa amakhambi endabuko. Isifo, sisodwa ngeke selapheke. Imithi yendabuko kanye neminye kufanelwe iqoshwe mayelana nokusebenza kanye nokwehluleka kwayo, njengemithi yaseNtshonalanga. Imithi iyabiza, ngakho kufanele sibheke amakhambi emvelo.

Abantu abaningi bajabula ngalezingxoxo futhi bathi kunokuba kunokuba basebenze ngokuphikisana sekunokusebenza ngokubambisana phakathi kwemithi yaseNtshonalanga kanye neminye.

"INDLELA ENGCONO YOKUSIZA IZINTANDANE UKUGCINA OMAMA BABO BEPHILA"

Kusuka kwesokunxele u: Jacqui Joshua, Debbie Heustice
Cati Vawda, Paddy Meskin, kanye noSaydoon Sayed.

Isithangami sabaholi bezenkolo kanye nabacwaningi bezengculazi sabanjwa ngoLwesithathu, mhlaka 24 Novemba 2004. Izikhulumi zaibandakanya uMs Kati Vawda (Children’s Rights Centre) kanye noJackie Joshua (Youth Peace Forum). Ngaphezu komgomo Wosuku lwengculazi emhlabeni, “abesifazane, amantombazane kanye nengculazi”, izikhulumi zakhuluma naphezu kwesihloko esithi: “Indlela engcono yokubhekana nezintandane zethu ukugcina onina bephile.”
Uhlelo lwalubandakanya:

• Umbukiso othi “Umuntu omdala omncane kunabo bonke”, owawuchaza indaba yezintandane ezine
• Isikhangiso ngencwadi esanda kukhishwa ethi “Babiza’s Story”, kanye
• Nesikhangiso esivela eChildren’s Rights Centre.

U Paddy Meskin wavula lesisithangami ngokufaka inselelo kwababekhona ngezibalo ezikhomba ukuthi kunezintandane ezingaphezu kwezigidi ezingu14 emhlabeni jikelele. Wathi leliqiniso luphoqa yonke inhlangano yezenkolo ukuthi ibe nesikhungo sengculazi. Wancoma leyo miphakathi yezenkolo esiqalile ukusebenza ngengculazi, ejwayele ukubandakanya uhlelo lokunakekela abagulela emakhaya.

U Paddy wagcizelela ukuthi abaholi bezenkolo baneqhaza okumele balibambe ekushintsheni amasiko emiphakathini. Umbuzo okumele uqhamuke uthi “ Yini eyenza ukuthi umphakathi onomthethosisekelo ongcono emhlabeni wonke wamukele lelizinga lezingane eziyizintandane?” Sinikwa inselelo sonke yokuthi sense okuthile ukusindisa omama abashona kungakafaneli beshiya izingane zabo ziyizintandane.

U Paddy waphetha ngokufunda lenkondlo ebhalwe nguSalim Waseen, umfana oneminyaka eyisikhombisa obulawa ingculazi. Uselahlekelwe uYise, uNina kanye nomfowabo.

Ingculazi isingishiye nginje,
Uphi uMama wami?

U Jacqui Joshua omele iYouth Peace Forum wafunda isiqeshana esifushane asiphuma ku Babiza’s Story okuyindaba kaSiphelele Ndlovu exoxa ngezikhathi eziyigugu azichithe nonina, ophila nengculazi.

“Ngezinye izikhathi umama uzofika noplastiki. Uma ngibuza ukuthi kukhonani lapho, uzothi: ‘Akulutho.’ Ngiyobe sengiya ekamelweni ngimbone embozwe ingubo ngimuzwe ehlofoza! Bese ngimthola edla amashibusi mhlawumbe. Uma edla amashibusi ngizongena embhedeni naye bese sidla amashibusi ndawonye bese siyazixoxela nje. Ngiyalithahda ikamelo likamama ngoba linuka kamnandi futhi ilapho ngelashwa khona ngesikhathi ngigula ngiphethwe isifo samaphaphu. Ngalala ekamelweni likamama ngesikhathi sengikhishiwe esibhedlela.”

Kwabe sekuvezwa umboniso othi, “The Youngest Adult”, okuyindaba yezintandane ezine. Okuyiwona myalezo oqavile kulomboniso ilo: “ Ngeke uphonse izixazululo umi ngaphandle – isixazululo kumele siqhamuke ngaphakathi emphakathini.” I The Hope for African Children Initiative (HCI) isebenzisa amandla emiphakathi ukunciphisa ukucwaswa, ukwenza ngcono izinhlelo zezempilo, ukuqinisekisa ukufunda, kanye nokugqugquzela ukubuyekezwa kwemithetho yamafa. Umboniso ugqamisa isidingo sosizo oluqondene nabantwana kanye nokuthi ngale kobuhlungu ababubekezelayo, abantwana banamaphupho ngekusasa – njengalawo okuba uthisha, ukuba ngudokotela kanye nokusiza abantu, abagulayo ingakumbi labo abaphethwe ingculazi; ukuba ngumhlengikazi; kanye nokufunda ngokusebenza komzimba, kanye nokuba umshayeli “ njengebhosi”.

U Katie Vawda waqalwa uhlelo lwakhe ngokubuza imibuzo embalwa. Omunye wemibuzo wauathi: Liyini Ithemba? Wabalula ukuthi ingxenye yethemba ukukholwa, okuqondisa ukusebenza nezingane zengculazi. Uma kuxoxwa ngamalungelo abantwana, sikhuluma ngendawo yomphakathi kanye nendawo yangasese. Amalungelo abantwana kanye neqiniso kuhlukene. Njengamanje, ingxenye yabantu engu40% eNingizimu Afrika ineminyaka engaphansi kuka18. Ziyizinkulungwane eziwu 250 izingane ezinengculazi ezineminyaka engaphansi kuka15 eNingizimu Afrika. Ingxenye eyodwa kuya kwezimbili ziba yizintandane minyaka yonke ngenxa yezizathu ezehlukene (izingozi zemigwaqo, ingculazi, njll) Izibalo zikhomba ukuthi ngonyaka ka2015, kuyoba nezingane eziyigidi ezingu 5.7 eziyintandane.

Abazali abelashwayo bayakwazi ukuba abazali abangcono njengoba benempilo enhle bekwazi ukusebenza bese befaka umnotho emndenini. Baphila isikhathi eside ngenxa yokwelashwa. Ukufundisa ngokwelapha kanye nokuqeqeshwa konompilo ezingeni lemiphakathi kubalulekile. Abantu badinga ukuthola kusenesikhathi, izingane ezisengcupheni kanye nemindeni esenkingeni.

Unksz Vawda wancenga zonke izinhlangano zezenkolo ukuthi ziziqokele umtholampilo bese zigqugquzela ukuhlolelwa ingculazi. Kudingeka kwenziwe okuthile futhi ukuvikela amafa abantwana, kanye nokwehlisa izindleko zomngcwabo ohloniphekile. Emathuneni aseRdhill ngoMgqibelo, kunemingcwabo emine ngesikhathi esisodwa. Abantu abakwazi ukuthandaza, bajule noma bacule emoyeni (of reverence)

U Jacqui Joshua wenza inkulumo yokugcina ngezindaba eziqondene nentsha namahlanje. Wakhuluma ngokwethusa kobuciko bamanje kanye namandla abo amakhulu kodwa asahluleka ukusiza emphakathini oloku uqhubeka udlikiziswa ingculazi. Wagcizelela iphuzu lokuthi abantwana abanabazali abashonayo babuka benganakusiza ngesikhathi abazali babo beshona kancane kancane, “bebona oyise nonina, bencunzeka, bembozwe izilonda bebagqolozele bengakhulumi.” Indikimba yenkulumo yakhe yayithi: “Siyahluleka ukubhekana nezinombolo zezintandane kanye nabantwana absengcupheni manje – siyokwazi kanjani kusasa?.

U Jacqui wacela ukuzimisela ukulwa nokungathathi izinqumo kanye nokuheheka kalula. Wabalula ukuthi: “Kuhlale kunezindaba ezibika ngokudlwengulwa kwabantwana abanezinyanga ezimbili; ezinye zibhekene nokuhamba amabanga amade zidlula ezindaweni ezingaphephile ukuyokha amazi angcolile, bedela ukufunda kwabo, kodwa benza konke abangakwenza. Lokhu akuyona into engajwayelekile – izibalo ziyashaqisa. Ikusasa lizoba yilokho esilenza kona, kodwa sidinga ukwenza lesizukulwane sibe nomsebenzi.”

Umphathi wohlelo lweHIVAN, uDebbie Heustice, wavala isithangami ngokubonga zonke izikhulumi ngemibono yabo enenselelo futhi ekhuthazayo.

Uhlelo lwezithangami zasogwini oluseNingizimu kanye noluseNyakatho – Novemba 2004

Izithangami zokugcina zika 2004 zeHIVAN, ogwini oluseNingizimu noluseNyakatho zabanjwa ngomhlaka 16 no18 Novemba njengokulandelana kwazo.

Isihloko sikaNovemba kuyona yomibili imiphakathi sasithi: “Ingculazi kanye nezimali zikahulumeni” Izikhulumi ezaziqhamuka eMnyangweni WezeNhlalakahle kanye nokuThuthukiswa komPhakathi, ehhovisi laseChatsworth kwakungo Mnu A Reddy (oqondene nemibuzo ngezempesheni) Nksz B. Nkabinde (uSonhlalakahle osebenza kwezokuthuthukisa umphakathi).

Izikhulumi ezazivela ehhovisi laseVerulam kwakungo Mnu S. Perumal (Umphathi wesiyingi obhekene nokusetshenzwa kwezimpesheni kanye nezimali zikahulumeni kanye nokubheka abasebenzi) kanye noMnu E. Ngwabe (umabhalane omkhulu, ongene kakhulu ezinadabeni zomphakathi). Ikhulumi zaseChatsworth zabuye zakhuluma ngezinhlelo zokuthuthukisa nokulekelela ezenziwa ngokuhambisana nezinhloso zezeNhlalakahle (ikakhulu ezabelweni okuyizona ezithinteka kakhulu ngengculazi)

Lezi zibandakanya:

• Ukufundisa abantu ukulima batshale izithelo kanye nemifino ukuze benze inzuzo
• Ukunikezwa kwezijumbana zokudla
• Uhlelo lwentsha (olusahlolwa) – kusetshenziswana namahhovisi esiying.
• Ukuhlanganisa abantu ababengenamathuba abafuna ukuzenzela inzuzo
• Ukulekelelwa kwabadala
• Ukufaka abakhubazekile emphakathini

Usizo lwezenhlalakahle lutholakala ngezindlela ezehlukene okuyilezi.

• Impesheni yokuguga – abesilisa kumele babe neminyaka engu 65 nangaphezulu kanti abesifazane kumele babe neminyaka engu 60 kuya phezulu.
Incwadi edingekayo: umazisi onamagabelo

• Impesheni yokugula – abantu abaneminyaka esuka kwengu18 kuya ku59 abakhubazeke okwesikhasha noma unomphelo bangafaka izicelo. Umuntu omdala ongakwazi ukusebenza okwesikhashana noma unomphelo ngenxa yezifo eziphathelene nengculazi angasifaka isicelo. Lempesheni inganikwa futhi ingane enengculazi edinga ukunakwa njalo.
Izincwadi ezifunekayo: isitifiketi sokuzalwa saleyo ngane, imibiko kadokotela kanye nemibiko kaSonhlalakahle, inzuzo yabazali iyabhekwa, kodwa hhayi eyabazali abasizayo.

• Impesheni yokubheka abantwana – lempesheni eyabantwana kusukelwa ekuzalweni kuya eminyakeni ewu18 ababekwe ngaphansi kwesandla somuntu ngomyalelo weNkantolo yabaNtwana.
Abantwana abayizintandane zengculazi bangabekwa kwabanye abantu bese benikwa impesheni ukuze banakekelwe.
Izincwadi ezidingekayo: Incwadi yeNkantolo yabaNtwana, izincwadi zokuzalwa , omazisi abanamagabelo kanye nencwadi yomshado yabazali abasha, incwadi ekhombisa ukuthi bayafunda abantwana.

• Imali yesondlo sabantwana – noma imuphi umuntu onakekela izidingo zomntwana nsukuzonke angasifaka isicelo. Umuntu onakekela ingane kungaba umzali, ilungu lomndeni noma umuntu ongeyena owomndeni. Lowomuntu kumele kube akakuholeli loko kubheka ingane. Uma izingane kungezona ezomuntu ozibhekayo, inani elikhulu lezingane angaziholela isondlo u6, kodwa akunamkhawulo uma izingane kungezake impela. Isondlo sinikezelwa izingane ezineminyaka kugcina kweku 11 kuzolulwa eminyakeni ewu 14 ngo2005.
Izincwadi ezifunekayo: umazisi onamagabelo kanye nencwadi yomshado yombheki kanye nesithombe esingangesikamazisi, izitifiketi zokuzalwa kwezingane, isiqinisekiso sokubheka izingane uma kuwumuntu wangaphandle (isitifiketi sokushona komzali noma incwadi ebhalwe umuntu oqotho), isiqinisekiso semali engenayo emndenini.

• Impesheni yokusiza – lempesheni ikhokhelwa umuntu obheke umuntu osemdala noma ogula kakhulu. Iyimadlana nje yokulekelela lowomuntu.
Izincwadi ezidingekayo: umazisi wombheki, isiqinisekiso salapho ehlala khona.

• Usizo lwabaxakekile – lempesheni inikezwa okwesikhashana (kujwayele ukuba izinyanga ezintathu) kulabo abafake isicelo sempesheni abalindele ukuyothola. Iqonde ukubasiza esimweni sokuxakeka futhi inikezwa njengezigqebhezana zokuthola ukudla, imali yazo iyabanjwa uma sekuphume impesheni yangempela. Lolusizo kwesinye isikhathi lunikezwa abantu abaxakekile ngenxa yokwebelwa, umlilo noma ezinye izinkinga ezenziwe imvelo.
Izincwadi ezidingekayo: umbiko kaSonhlalakahle uchaza isimo somndeni, umbiko wamaphoyisa.

Ukubhekwa kwesimo sezimali – Into ebaluleke kakhulu uma umuntu efaka isicelo sempesheni isimo sakhe sezezimali. Isizathu saloku ukuthi impesheni inikezwa kuphela uma isimo sezimali salowomuntu singaphansi kwezinga elithize. Uma kubhekwa ukuthi umuntu anganikwa yini impesheni, nokuthi, imalini okumele ayithole, inzuzo kanye nezinto umuntu kanye nabambisene naye abanazo kuyabhekwa.

Ukubuyekezwa – izimpesheni ziyabuyekezwa njalo ngonyaka. Abaholayo batshelwa kusasele izinyanga ezintathu lushaye usuku lokubuyekeza. Loluhlelo lokubuyekeza lusiza ukuhlunga labo Bantu abaphile kahle asebengaziphilisa nabangasadingi ukuba sohlelweni lwezenhlalakahle.

Inkohlakalo- Uma umuntu engasafanele ukuthola impesheni (ngenxa yezizathu eziningi, njengokufa noma ezinye izimo zempilo) uMnyango WezeNhlalakahle kumele waziswe. Abantu abahola impesheni ngokuqamba amanga benza inkohlakalo. Lezikhohlakali zingabikwa eMnyangweni (ungalivezi igama uma uthanda) kulenombolo 031 – 336 8704.
Ngeshwa, uMnyango wezeNhlalakahle usebenza ngabasebenzi abambalwa kanti usebenza indawo enkulu kakhulu. Ingculazi isiqhubezele ububha futhi kunengcindezi enkulu eMnyangweni ukuletha izinsiza ezisheshayo futhi ezisebenzayo kanye nosizo. Imibono eqhamuka emphakathini ukuze uMnyango usebenze kangcono yamukelekile.

Emva kwezinkulumo, kwaphendulwa imibuzo. Esigungwini saseNingizimu, uMnu. Bob Daniels, we Chatsworth & District Partnership Against AIDS (C.A.D.P.A.A.), wezwakalisa ukukhathazeka kwakhe ngokuthi izinhlelo zokulekelela azigqamile endaweni yaseChatsworth. Waphinda wancenga ukuthi uMnyango Wezenhlalakahle wenze lula imigomo elandelwayo ekufakeni izicelo. Waphinda waphonsa inselelo emnyangweni ukuthi wenze umhlangano womphakathi ukufundisa umhpakathi ngosizo olukhona. Umnyango wezeNhlalakahle wabhala phansi imibuzo wabe sewuthembisa ukuxhumana noMnu Daniels.

<<Back