Ezicathulweni zabo: Ukusondelana nezingane nentsha.

Ukuzinikela kweHIVAN ekunikezeni izingane nentsha izinkundla zokukhuluma ngabahlangabezana nakho kubonakale ngokuhlelwa kwezigcawu ezimbili zezinkulumo kulezizinyanga ezimbalwa ezedlule.

Esokuqala esithathe izinsuku ezimbili kube yiChild and Youth Research Forum ngoNovemba 2004 lapho izihambeli ezingochwepeshe bocwaningo lwenhlalo yomphakathi bexoxisane khona ngabakuthola emsebenzini wabo futhi babelana ngasebehlangabezane nakho ngokomsebenzi. Kwthulwe nezinkuluma mayelana ngokuvikelwa kokutheleleka komntwana ngunina onegciwane leSandulelangculazi, ngemishanguzo yabantwana abaswele, ngokufundisa intsha ngezocansi, ukusebenzisana nentsha ezindabeni zokuphatha kwezeSandulelangculazi neNgculazi, umthelela walolubhubhane kwezokuhlaliswa kwemindeni kanye nokusetshenziswa kwezithombe ukusiza abafundi baqonde ngokuphila phakathi kwesimo salolubhubhane.

Isihloko esasihamba phambili kulesigcawu socwaningo iResearch Forum kwabayileso esingesigcwagcwa esidalwa yiSandulelangculazi neNgculazi ngendlela lokhu okuthinta ngayo izimpilo zabantu abasha ikakhulukazi izintandane zeNgculazi, izingane eziyizifiki kanye nezingane esezingamakhanda emizi. Okwabaluleka kakhulu ohlelweni kwaba ngumdlalo weshashalazi owenziwa ngabafana namantombazane ephrojekthi yeHIVAN Leaders of Tomorrow (Abaholi bakusasa) bekhombisa ngempilo yabo endaweni yase Magangangozi eBergville. Okunye kwaba ngukwethulwa kwencwadi nguSiphelele Ndlovu oneminyaka eyi-10 esihloko sithi “Indaba kaBabiza” (Babiza’s Story) ebhalwe nguye qobo inamakhasi angu34 nemifanekiso lapha echaza khona ukuthi iSandulelangculazi neNgculazi kuyithinte kanjani impilo yakhe.

Isigcawu sikaNovemba saqhamuka nokuphathelene namalungelo esintu, inqubo yokuhlanganyela, nokwamasiko nobuciko kulungiselelwa uchungechunge lwemihlanganiso ehlelelwe intsha yiHIVAN Youth Forum kulonyaka ka2005. NgoMashi uphiko lweHIVAN Communications, Arts and Advocacy, and Sectoral Networking luhlanganyele World Conference on Religions for Peace (WCRP) lube nohlelo lokuqala obelulungiselelwe abafundi abangu-27 bephuma ezikoleni zamabanga aphakeme Ekzn. Inhloso enkulu yaloluhlelo bekunguhola abafundi ohambeni lokuhlola nokuzithola ngaphansi kwesihloko esithi: “The Landscape of My Life” (Ibalazwe lempilo yami). Lokhu kwakuhlelwe ngokubambisana nabeCAAU Artists’ Action Around AIDS ngosizo lwabafundisi bontanga nezinhlangano okubanjiswene nazo.

Lokhu kwenziwa ngokuthi abafundi bahlukaniswe babe amaqenjana amancane bese benza izithombe ezakhiwe ngezicucwana zamaphepha (collage) basebenzise lezizithombe ukuchaza izimpilo nezifiso/ amaphupho abo. Emva kwalokho iqembu neqembu lachazela umhlangano ngenxenye ngayinye yesithombe sabo nokuthi lokho kwakumele ntoni ezimpilweni zabo. Imifanekiso lena yachazwa njengezintaba( izinkinga), amabhuloho (amacebo) noma izigodi(imiphumela). Kwasekuhlanganiswa zonke lezizithombe kwakhiwa esikhulu esasikhombisa ukuhlangana kwabo njengomphakathi owodwa kuleli”balazwe lempilo”.

Ngokwenza lokhu behlanganyela kwashintsha isimo sokuba umuntu ngayedwana engumfana noma eyintombazane kwaba isimo sabantu besebenza nokubambisana njengeqembu elilodwa. Kwakuyindlela yokubafundisa ukuthi ungakwenza ukuthi usebenze wedwa uzifune ubuwena ufuthi ungakwazi ukusebenzisana nabanye ukuthatha isinqumo nokuthola izisombululo. Akukho kulokhu okuqondiswe ngqo kuSandulelangculazi neNgculazi kepha babekhuluma ngananoma yini ethinta izimpilo zabo. Ngasosonke isikhathi

abafundisi bontanga babelokhu beseduze bebekhuthaza kanti othisha babekhona nabo beqaphile.
Ekupheleni kosuku abafundi banikezwa ababezokusebenzisa ezikoleni nasezindaweni zomphakathi ukufundisa abanye ngalokho ababekuzuzile kulomhlangano. Bacelwa futhi ukuthi kubekhona abakubhalela iphephabhuku iSondela.

UKyle-Ben Snyders waseHoly Family College wabeka kanje ngemicabango yakhe:
“Ngangingazi okwakuzokwenzeka ngenkathi ngifika kuYouth Forum eTemple David. Umcabango wami wokuqala kwaba ngukuthi kwasuka lokho kanti futhi nalaba Bantu abahlele lomhlangano babukeka benolaka omunye wabo ukhulumisa okomuntu ovela eMelika. Emva kokuthi sebesamukeleile futhi basitshela ukuthi bangobani nathi sazazisa kubo, ngaqala ukukhululeka.

Sehlukaniswa amaqenjana ayexube izikole lokho kwangijabulisa ngoba ngathola ukukwazi ukuthi abanye abantu bacabanga futhi baphila kanjani. Kwakungumqondo omuhle lona. Ngoba sonke sacobelelana ngamasu, sahlanganisa imiqondo nemibono saze saphuma nalokho okwakusithinta sonke ngendlela efanayo. Saqla ngokuthi sisebenze ngasodwa ukwakha imifanekiso ngakho konke okuthinta wean uqobo, impilo yakho nobuwena ngoba vele konke kuqala ngawe. Ngamaqembu sase senza uhla lwemibono efanayo. Emva kwalokho yonke imibono yabe seyenziwa ukufanekisa okuthile njengokuthi ‘ uBhudda’ umele inkolo noma okomphefumulo, ‘ubhanana’ umele ukudla okunomsoco nendlela yokuphila efanele njalonjalo. Sase siqoqa konke esasikwenzile sakwethula phambi kwababekhona. Sasenze okuningi ngempela- inqwaba. Kwasijabulisa ukuma phambili sikhulume futhi senze amahlaya ngezimo ezibuye zithinte kabuhlungwana iningi labantu.

Ekugcineni saqoqa yonke lemibono sayihlela ngemikhakha emithathu- Izintaba : inkinga (kulukhuni ukudlula kuyo), Amabhuloho : isixazululo(indlela yokukhwela intaba), Izigodi: umphumela ( uma usudlule entabeni usufike esigodini sakho). Okunye nje okwakungihlupha kwaziveza njentaba kimi. Maningi ke amabhuloho nezigodi okwavelayo.
Ukuya kwami kuleForum kwangenza ngakhanyelwa ngokuningi ngenxa yabantu engahlangana nabo ngashintsha nendlela engibona ngayo umhlaba. Sengikujahe kabi ukufika kweForum elandelayo.”

Usuku lweForum yesibili luzoba maphakathi no2005.

<<Back