Ukwabelana ngosizi, ukwabelana ngethemba: Tshepang – Umlando wesithathu

Kusihlwa ngomhlaka 6 kuMashi 2004 kwaba yisikhathi sokushintsha komoya, ukuqubuka kweziphiwo kanye nobungcweti esizindeni sezamakhono e-eKhaya eSigcemeni saka-C KwaMashu, KwaZulu-Natali lapho i-AfriSun Amphitheatre kwakuyindawo yemidlalo eyenzeka ebusukwini obubodwa i-Tshepang – Umlando Wesithathu”.

abalingisi abaqavile uMncedisi Shabangu kanye noKholeka Qwabe abalingisa indawo eqavile, lona kwaba wumdlalo wokuqala owaqala ukudlalelwa kulelishashalazi, ababukeli bathatheka yizinga eliphezulu lemidlalo, ubuciko obusezingeni eliphezulu lokuhlelwa kweshashalazi okudlalelwa kulo kanye nombhalo onomfutho. Umbhali kanye nomqondisi walomdlalo, uLara Foot Newton, unikeza umlando ngomdlalo.

“Ngonyaka ka 2001, iNingizimu Afrika nokudideka ngokuzwa izindaba zokunukubezwa kabuhlungu ngokocansi kwengane enezinyanga eziyisishiyagalolunye egama layo ngu ‘Baby Tshepang’. Kwakucatshangwa ukuthi wanukubezwa idlanzana lamadoda ayisithupha, kodwa kwabuye kwatholakala ngasemuva ukuthi la madoda abekwa icala okungelona nokuthi wanukubezwa nangokobulili obufanayo isoka likamama wakhe. Ngesikhathi lezi zindaba zomntwana u-Baby Tshepang ziba undabuzekwayo, ezinye zezindaba ezingamakhulukhulu ezifanayo nazo zavezwa, kanye nezinye eziyizinkulungwane ezingamashumi amabili ezaziqoshwa ngonyaka, kubalulekile ukuthi lesi’sifo’ sokunukubezwa kwezingane kubhekwane nakho. Ishashalazi liyindawo enhle okungaqalwa ngayo”.

Kunzima ukuchaza umfutho walomdlalo kanye nokuseceleni kokwazi ukuwenza kwalabo ababandakanyekayo kulomdlalo kanye nokubumbana okunothando komphakathi. Nakuba ilokishi kanye nabalingisi abavezwe
Kwamashu tshepang 2

kulomdlalo kungebona abeqiniso, ukusetshenziswa kwezinto ezilula kanye nokuqondiswa komdlalo kwaseshashalazini okwakhiwe engqondweni kwabalingisi ababili, kukhombisa ukuhlukumezeka ngenxa yobumpofu kanye nokubumbana okunothando komphakathi.

Ngesikhathi ukulingisa kukaShabangu kancane kancane kusitshela indaba mayelana nekhaya kanye nomakhelwane balo, ukudlwengulwa kanye nokugxambukela kwezezindaba okulandelayo, kuhamba kahle ngohlelo nesimo sokuchazwa kozwelo, uQwabe ongasohlangothini lwabesifazane odlala indawo ephambili (umama wengane ehlukumezekile) akanazwi anokulisho – utshengisa ukwethuka, nokuphoxeka nokuphelelwa ukwazi ngokuthula, ukolobha phansi ngokukhulu ukuphelelwa yithemba, elahlekelwe yingqondo futhi egqolozele ezindaweni angazazi.

Umlandi ulokhu ebhekise elangeni – elehlela ezakhiweni zaselokishini, enganikezi kuphumula ngenxa yokushisa, izintuli, isimo sendawo esomile – njenge ‘makulu’ ukukhanya okukhulu okuyikona okubona yonke into, ngaso sonke isikhathi. Izibuko zamehlo eziningi zigaxwe yonke indawo, zigcizelela ukuthi sicabange ngokungaboni kwethu okulihlazo, ukukhohlisa kwehlo lomphakathi kanye nesidingo sokuba nombono obumbene kakhulukazi ngomphakathi onomnako. “Kuyihlazo kithi sonke ,” kubibitheka umlingisi onguShabangu. “Leli lokishi ladlwengulwa yiqembu lezigebengu kudala…”. Usikhumbuza ukuthi igama elithi “Tshepang” lisho “ithemba”, kanti lokho ngaphandle kokunqatshelwa okunesihluku kanye nodlame, abantu basakwazi ukuba nothando olujulile nokuzidela. Umntwana okulowo nalowo muntu omdala umhlahlandlela waleli themba.

UKholeka Qwabe ukhumbula ngesikhathi yena noMncedisi Shabangu befunda isifundo sokuqala sombhalo, wonke umuntu olapho uyakhala. “Lowo kwakuwumzuzu wosizi,” usho kanje. “ Ekuqaleni ngangithukuthele kabi ukuthi ngamukele ukusindiswa lokho okuqhamuka ngasekugcineni, ngakho-ke wonke lo mdlalo wasihambisa ohambweni olunzima lokuthethelela. Kodwa-ke lowo ngumbiko womdlalo: ukuthi sonke sichoboka kalula kodwa futhi siqinile”.

Ubusuku baphetha ngenjabulo enkulu ngesikhathi umbhali womdlalo, uMaurice Podbrey, enza isimemezelo esethusayo sokuthi umdlalo sewuthathe amehlo kazwelonke. Egameni lamajaji, wethula umklomelo kuShabangu obizwa ngokuthi ‘yi Fleur du Cap 2003/04 award for best Actor; ngokuba ngumlingisi olingise kahle kwase kuthi uQwabe wakhethwa njengomlingisi olingise kahle indawo ka “Tshepang ukuvivinywa kwesithathu” okwenze lomdlalo waba ngumdlalo ovelele wonyaka. Abalingisi kanye neqembu bese kufike isikhathi sokuthi bahambise lomdlalo e-Switzerland kanye naseKhanada emasontweni alandelayo.

Isizinda sezamakhono saKwaMashu I-Ekhaya Art Centre sesiyikhaya manje lemisebenzi eminingi emisha ethokozisayo. Thintana noMqondisi nonguMqambi, u-EDMUND MHLONGO, kulenombolo: 082 487 7167 (noma uthumele umbiko kuleli kheli kcap@mweb.co.za) ukuze uthole ulwazi oluthe xaxa.

<<Back