Igciwane lengculazi kanye nesifo sengculazi yindaba yamalungelo abantu…

Igciwane lengculazi kanye nesifo sengculazi yindaba yamalungelo abantu… lena yiyona nkolelo-ngqangi yabafundi abaphezulu bezifundo zomthetho eNyuvesi yakwaZulu-Natali bonyaka ka 2003, Andreas Coutsoudis.

“Ukwanda kwegciwane kanye nesifo sengculazi kunqamula kuyo yonke into emphakathini,” usho kanje ngesikhathi sokufakwa imibuzo kanye neSondela obekwenziwe ngaphambi kokuthi athweswe iziqu zakhe eziphezulu ze-Honours ngonyaka odlule. “Kuyilolo nalolo hlaka emphakathini – umndeni, umnotho, ukuthuthukiswa okusabalalele, imfundo, ukwakhiwa kwezindlu – kunezinkinga eziningi ezithinta umthetho ezifihlekile eziyimbangela yesandulela ngculazi kanye nesifo sengculazi, kanti futhi uMthetho-Sisekelo kanye nMqulu wamalungelo ukwenza kube semqoka kakhulu.”

Njengophumeleleyo eSikoleni sezoMthetho (obekuyiNyuvesi yaseNatali eThekwini), u-Andreas waklonyeliswa ngomfundaze waseRhodes ukuba ahambe ayofunda eNyuvesi yaseOxford eNgilandi; umklomelo waklonyeliswa ngawo ngenxa yomsebenzi wakhe wezemfundo oncomekayo, amakhono obuholi kanye nokukhuthalela izimbangela zezigceme kanye nomphakathi. Eminyakeni yakhe esafunda akatholanga nje kuphela imiklomelo eminingi kanye nezitifiketi zokuphumelela ngamalengiso emiphumeleni yakhe, kodwa nokunikezela ngesikhathi kanye nomdlandla ekubusweni kwabafundi (ngokuba nguMongameli woMkhandlu waBafundi eSikoleni sezoMthetho) kanye nokudla kwakhe umhlanganiso kwezenkulumo-mpikiswano kanye nokuqhabisana ngezemithetho (okwakubandakanya ubulunga beqembu elaliphumelele kade lincintisana namanye amaqembu e-Afrika yonkana.)

Isikhathi esingangeminyaka emithathu, u-Andreas wayekhuthele kabi ohlelweni lwezokuncintisana ngenkulumo-mpikiswano yakwaThandimpilo (Lovelife), eyabe isiza ngezobuholi empilweni okuyi-“Lifestyle for Leadership”, ebhekiswe entsheni engenayo imithombo yolwazi, emphakathini wasemakhaya. Abantu abasha kumele bakholwe ukuthi kukhona into okumele bayiphilele,” kuchaza u-Andreas. “ siye sathola ukuthi abafana namantombazane esisebenza nabo e-Y-Centres bayayithanda kakhulu inkulumo-mpikiswano, ngakho-ke kwaba yinzuzo enkulu kakhulu kimina ukuthi ngikwazi ukuthi ngiphumelele ekhonweni lami kwezenkulumo-mpikiswano ngokuthi ngibafundise lobu buchule namakhono ezingeni lomncintiswano”.

Iqembu lakhe labafundi asebenesikhathi ababevolontiyile abangangabaholi babesiza abafundi kanye nothisha babo ukuba bangenele umncintiswano bebhekene nezikole zasedolobheni, ngokuxhaswa abakwathanda impilo ngezindleko zokugibela kanye nezinye izindleko kuzikole ezingamakhulukhulu ukuba zihambele lemicimbi.

“Saba nenkulumo-mpikiswano ngezihloko eziningi, hhayi ngesandulela ngculazi nesifo sengculazi kuphela, kodwa nezinye izihloko ezithinta umthetho, amalungelo abantu, imithetho ngezemfundo kanye nezinye izinkinga zomphakathi,” kukhumbula u-Andreas. “Senza imibuzo yaba ngehlabahlosile, yikhona intsha izokwazi ukufunda ukuzicabangela ngendlela ejulile nokuthi bakwazi ukucabangela uhlangothi abaqhudelana nalo.

Ngaphezu kwakho konke, sasifuna ukukhuthaza intsha ukuze ikwazi ukuba nemiqondo mayelana namathuba emisebenzi lapho lamakhono engabafundisela ukuthi…”
Esikhathini esiningi kulonyaka, u-Andreas uzogxila kakhulu emsebenzini wakhe njengokuba ngumsizi kaJustice Skweyiya waseNkantolo yoMthetho-sisekelo yaseNingizimu-Afrika, enza inhlolovo, ebhala imibhalo eyimithetho kanye nokuphathwa kwamacala. “Ngifunda okuningi kabi ekusebenzeni nejaji lami,” kusho u-Andreas.
Uzoqhubeka nezifundo zakhe eziphezulu kwezemithetho uma nje unyaka wezifundo zakhe eNyuvesi yase-Oxford e-UK usuqala, kodwa kulindeleke ukuthi abuyele eNingizimu Afrika azokwabelana ngobuchule bakhe emphakathini wabasebenzi, noma ngabe lokhu kungokushushisa ngesandulela ngculazi noma ingculazi noma ukusebenza njengommeli wezamalungelo omhlaba. Uqiniseke kakhulu ngendima engadlalwa abezindaba kanye nabezobulungiswa ekukhulumeni ngokungalingani emphakathini.
“Konke engikwenzile nengisazokwenza kuyobe kumosakele uma ngabe angabelananga ngamakhono ami ezweni lami kanye nabantu balo,” kusho yena.

“Ngakhuliswa ngabazali bami ukuthi ngiphile lobu buntu. Ubaba wami ungumfundisi, kanti umama wami (u-Anna) ungumcwaningi kwezamakhambi okwelapha osebenza nomama nabantwana abanegciwane lengculazi ekuvikeleni ukusabalala kwegciwane lengculazi. Futhi ungumqambi wekhaya labantwana iThemba Lethu e-Cato Manor okuyindawo enobisi lwebele olunempilo ekunceliseni abantwana. Njengomndeni siyasizana sabelane ngemiqondo kanye nemizwa yethu mayelana nale misebenzi.”
Kanti umyalezo ka-Andreas kuwo wonke amalunga omphakathi wethu?

“Ngicabanga ukuthi abantu abaningi baseNingizimu Afrika banesifiso sokuxhumanisa nokwabelana ngamakhono abo kanye nemithombo yolwazi ekulweni nesandulela ngculazi kanye nengculazi kanjalo nezinye izinselelo umphakathi obhekene nazo. Kuzothatha isikhathi, kodwa siya ngokuya sihlangana/sibumbana, kanti futhi singazakhela amalungelo ethu ancike ezinhlakeni zomthetho zangaphakathi nezisuka phansi ziya phezulu.

<<Back