| I-PACSA
ibhekana nezinkinga zesandulela ngculazi nengculazi,
izindaba zobulili kanye nobumpofu
 Isikhungo
saseMgungundlovu saBazalwane Abaqwashisa Ngezomphakathi
babamba iNgqungquthela ngoFebruary 2004 begxile
kakhulu ezindabeni ezithinta umphakthi ngesandulela
ngculazi kanye nengculazi kanye nakwezinye izinselelo
ezimbili eziyinkinga-ngqangi: ukungalingani ngokobulili
kanye nobumpofu. Abagqugquzeli abaqhamuka emikhakheni
eyahlukene babelana ngolwazi lwabo nezifundo ngomsebenzi
abawenzawo endaweni, ngokokufunda nangokobuntu,
nokuthi inhlanganiso ivumelene ekutheni bacele
emphakathini wabasebenzi ukuthi wakhe ubudlelwane
obuqinile neFBO kanye nezinhlaka zikahulumeni
kazwelonke kanye nowasekhaya.
Yonke imibiko eyayethulwa yayinohlonze. Eyodwa
yazo yileyo eyethulwa nguFlorina Ngcobo, lapho
ethula usizo olunohlonze olwanikezelwa yisiKhungo
sesandulela ngculazi kanye nengculazi esise-Edendale
ukusiza leyo mindeni esingenwe yisifo kanye naleyo
mindeni ethintekayo ngenxa yegciwane. Lokhu kubandakanya:
- ukuhlolwa njalonjalo kwemithi yokwelapha,
uhlelo lokudla okunomsoco ukuqwashisa ngenhlanzeko
kulabo abathintekayo egciwaneni.
- Ukunakekelwa kwasemakhaya kanye nokugqugquzela
ukwakha isikhwama semali emiphakathini
- Ukubhekelela ukuxhaswa kwezimpabanga, ukukhuselwa
kwabantwana kanye nezinye izingane ezisenkingeni
yokungafundi nokungabi nandayo yokufihla ikhanda
- Uxhaso lwezengqondo ukunikeza ithemba nokunciphisa
ukwesaba, umzwangedwa kanye nokucindezeleka
ngenxa yokungakhululeki emoyeni okuhlobene nokuba
nesandulela ngculazi kanye nokungaphili.
- Ukwelulekwa kwayilowo nalowo okuqhubekayo
okuhambisana nosizo lwamaqembu asekela abanye
kanye nemihlangano okufundiswanayo kuyo yosonhlalakahle,
i-FBO kanye nabasebenzi basezikoleni.
Isiphetho ngqangi okwaphunywa naso kuleyo mikhakha
esekelwe esidingweni sokuthi kunxenxwe abanye
besilisa babandakanywe ezinkingeni zabesifazane
abasemathubeni okungenwa yisandulela ngculazi
kanye nengculazi.
ukubaluleka kwezokuxhumana ukuze kuvikeleke umnotho
okhona nokubalekela ukuphindaphindeka kokukhona,
ukunikezwa kokuqwashiswa ngolwazi okuyilona lona
kanye nokwabiwa kwezimali ezindaweni ezidinga
kakhulu.
Umqondisi wePACSA uDaniela Gennrich, uqinisekisile
kulabo ekade bekholna ukuthi isikhungo sizodlulisela
phambili lezi zimpendulo nokuqaphela kakhulu ukuthi
kube nokugqugquzela umphakathi oqinile nobumbene
ukuze kube nokuxhumana okucacile kusukela phansi
imibiko eya emnyangweni yakwaHulumeni. Ingqikithi
equkethwe yilemiyalezo yonke kuzoba ngeyokuthi
zonke izikhungo ezizinikele kumele zidlulise umyalezo
ekusizeni lezo zakhamizi ezingenaso isandulela
ngculazi ngokuthi zihlale zingenalo igciwane nokuthi
bagqugquzelele usizo lokuvolontiya ukwelulekwa
kanye nokuhlola nokuhlanganyela emisebenzini yalowo
nalowo msebenzi noma kusiphi isizinda.
“Kumele sidlule osizini, nobuhlungu kanye
nentukuthelo,” washo kanje. “Kumele
sigxile kakhulu emisebenzini esunguliwe nokwenza
uhulumeni abuke ngeso elibanzi indaba yesandulela
ngculazi kanye nengculazi, ngaphezu kwalokho,
kumele sibumbane ekutheni silwe nalesi sifo.”
I-PACSA yabelana ngezincwajana emasontweni, ezibhalwe
ukuthi ‘Ibandla eMhlabeni onesandulela ngculazi”
nokuthi inolwazi oluwusizo kunoma wubani ofuna
ukusiza abantu abaphila nesandulela ngculazi kanye
nengculazi. Ukuze ukwazi ukuthola lencwadi nokuthola
olunye usizo, shayela i-PACSA enombolweni ethi
(033) 345 0052 or e-mail loul@pacsa.org.za
<<Back |
