Zanele Mchunu kanye nabaholi bakusasa

Isikhungo sokuxhumanisa kwezesandulela ngculazi kanye nengculazi (HIVAN) sisebenza neqembu labantu abasha abaneminyaka engamashumi amathathu nanye abaqhamuka emphakathini waseMagangangozi Okhahlamba asebelahlekelwe ngomunye wabazali noma bobabili futhi asebeqambe iqembu labo ngokuthi “Abaholi Bakusasa BasOkhahlamba”.

Bahlala kulendawo enamawa agingqikayo eduze kwezintaba zoKhahlamba kwaZulu-Natali, baqinile, bangabantu abasha abazimele abenza imisebenzi eminingi efanelekile empilweni yasemakhaya: ukwelusa izinkomo, ukulima, ukusika utshani bokwakha izindlu, ukudoba, ukuhamba amabanga amade ukuyokukha amanzi nokutheza izinkuni, ukuhamba ngomdlandla ukuyothenga edolobheni eliseduzane iBergville, noma ukuya esikoleni. Baphila ngaphansi kwezimo ezahlukene, kusukela emindenini emikhulu eseyandisiwe (lokho cishe ukuba kuhambisana nobuphofu kanye nokugula ngokuthi kwakhiwe ubudlelwane obukhulu), kwabomndeni abathola usizo oluyingcosana kanye nokusizwa kwezokomoya.

Eminyakeni embalwa, owesifazane osamusha ogama lakhe nguZanele Mchunu wayebambe iqhaza emisebenzini yokubambisana kanye naBaholi Bakusasa (Leaders of Tomorrow – LOT) ukuthi bakhulise izinkukhu kanye nokulima izingadi zomphakathi. Njengengxenye yocwaningo lwakhe, uhlanganisa umlando omncane ngalomsebenzi, uhambela abantu emizini yabo kanye nokuqopha ukuthi babhekana kanjani nezinkinga. Lo msebenzi uye wamnika ukuqonda okujulile ngezidingo zabo, amathemba, ukwehluleka kanye nokunqoba nokuphumelela kwabo, nokuthi ulwazi lwakhe selwandisiwe kwenziwa ngalo amacebo okuhlanganyela ikakhulukazi lawo athinta kakhulu izidingo zomphakathi.

Izifundo zocwaningo zAbaholi Bakusasa zaqala ngesikhathi uDokotela Patti Henderson, uMcwaningi omkhulu waseHIVAN Okhahlamba, wayephelezela uZanele uma eya esikoleni sakhe kanye ngesonto. Lapho, uPatti wasiza futhi waqamba imidlalo yaseshashalazini kanye nokwakhela phezu kwempilo yansuku zonke yabantwana.

NgoDisemba ngonyaka ka 2003 iqembu le-LOT lavakashela ngasoGwini eNyakatho neKwaZulu-Natali isonto lonke ukuyoba nomhlangano wokwakhana ukuze kwenziwe umdlalo obizwa ngokuthi Umdlalo wethu. Lowo mhlangano wokwakhana wakha ubudlelwane obukhulu kabi phakathi kwabacwaningi kanye nentsha, futhi wenza ukuba kubekhona ukukhululeka ekuzakheleni izibonakaliso ngempilo yabo, kubandakanya ukuba khona kwesandulela ngculazi kanye nengculazi, ngendlela leyo egqamisa amaqiniso angemnandi kodwa ebe elapha futhi ephakamisa umoya.
Lena yindaba kaZanele:

Ngazalelwa endaweni yasemakhaya eyaziwa ngokuthi kusOkhahlamba kwaZulu-Natali, futhi ngaqedela izifundo zami e-Amangwane High School, kodwa njengoba umama wami wayengumfelokazi, wayengenayo imali yokungiyisa ezikhungweni zemfundo ephakeme.

Ngaqala ukusebenza nenhlangano yabe-Worldvision njengowayekhuthaza ukuthi kufundiswe ngobulili, ngingomunye weqembu labayisithupha sifundisa ngamakhono empilo kanye nokuba nezifundo ngegciwane lengculazi kanye nengculazi ezikoleni zamabanga aphansi kanye nezikole zamabanga aphezulu zasOkhahlamba. Ngonyaka wami wesibili ekufundiseni, ngaqaphela ukuthi kunamalunga amaningi omndeni ongumakhelwane wami ayeshona, omunye emva komunye, kwaze kwaba kusala izingane ezine ekhaya zingenabazali noma ababheki. Ingane okuyiyona eyayindala yayineminyaka eyishumi nantathu ubudala. Ngikhumbula ukuthi ilunga lokugcina lomndeni lashona ngelanga lami lokuhola. Wabe umama wami esengicela ukuba nami ngiphonse itshe esivivaneni ngokudla nje okuncane ngelanga lomngcwabo.

Sazisekela izintandane zikamakhelwane wami kwaze kwaba bathathwa omunye wabemindeni yabo. Abazange bawathokozele wonke amalungelo abo, njengoba kungekho noyedwa kubo owaqeda izifundo zebanga eliphansi – kanti lokho kwashiya ubuhlungu enhliziyweni yami, ngokuba nakuba ngangiphuma emndenini ompofu, umama wami wakwazi ukungikhulisa ngothando futhi wanginika zonke izidingo njengomntwana. Ngakho-ke ngazama ukufuna ukuthi ngingabasiza kanjani abantwana abanjengalaba.

Kwathi uma isikhathi somsebenzi wami sesiphelile, ngabuye ngaqashwa futhi kabusha kwaWorldvision, ngaphansi kwalabo abanikezela ngosizo bakwaMicro-Enterprise Development Grant, njengowengamele izinhlelo zemisebenzi, umsebenzi obhekele izintandane, owathola uxhaso iminyaka emithathu. Ngonyaka ka 2003 isikhungo esibhekele ezengculazi – HIVAN wakha ubudlelwane kwezocwaningo nabakwaWorldvision bebhekele kakhulu abantwana abanganakiwe kanye nosizo lwezempilo emakhaya kuleyo ndawo. Umphumela walokho, sengiqashwe ngabakwaHIVAN njengomphathi nombheki kanye nomsizi kwezocwaningo ohlweni lokusebenza olubhekele izintandane.

Iqhaza lami ekusebenzeni emisebenzini ethinta izintandane kanye nabasha abanganakiwe, abazibiza ngokuthi “Abaholi Bakusasa basOkhahlamba”, wuthi ngisebenzise indlela ebizwa ngokuthi ukusiza ngezinguquko, lapho ngisiza khona abantwana kanye namalunga omphakathi ngemibono. Ngikuthola kumnandi ukwenza ucwaningo nokusebenzisana nabo ngesikhathi esisodwa, nokuthola ukwaneliseka oqotsheni kanye nasekufundeni ekuqapheleni ukuthi bobabili umncwaningi kanye nabahlali basemphakathini bayazuza emisebenzini wethu.

<<Back