Izindaba
ngokutholakala komxhaso
"Kuwumsebenzi wethu sonke njengabantu baseNingizimu
Afrika ukuthi sikhulule abantwana bethu nabantu
ababuthaka endlaleni nasebuphofini" Lamazwi
ashiwo uDokotela uZola Skweyiya, Ungqongqoshe
wezokuthuthukiswa koMphakathi, kubaholi bezinkolo
abangaphezu kwamakhulu amabili bekade behlangene
kwaZulu-Natal ngenyanga kaOctober 2003. Lena beku
enye yezimbizo eziningi ebibanjwe uNqgongqoshe
ukuzochazela amalunga omphakathi nezinhlangano
zomphakathi kulolonke leli ngonyaka ophelile.
UDokotela uZola Skweyiya wacela ubambiswano oluqhubekayo
phakathi kwezinhlangano zomphakathi ukuze kuqiniseke
ukuthi abahlupheka kakhulu bayakwazi kutholakale
usizo lomxhaso, ubone ukuthi izinhlangano zamasonto
izona ezingasiza ekuthuthukiseni ukutholakala
komixhaso nokubhalisa kwezingane nabantu abadala
kumnyango wezasekhaya ngomxhaso wezingane(160
ngenyanga) newabadala (R700 ngenyanga).
Wadlulisa ukubonga ngeqhaza elibalulekile elibanjwe
umsakazo womphakathi ngokudlulisa imininingwane
mayelana nomkhankaso wokubhalisa owawenziwa Umnyango
Wasekhaya. Lomkhankaso uyaqinisekisa ukuthi ukubhalisa
akudingi ukuthi ugibele amabanga amade uye emadolobheni
nokuyoma emigqeni emahovisi kaHulumeni wasekhaya.Izinkulungwane
ngezinkulungwane zabantu seziyakwazi ukuhlangana
ezikhungweni ezisemakhaya lapho omahamba nendlwana
bokubhalisa abathunyelwe iziphathi mandla zikaHulumeni
eziqhamuka emnyangweni waSekhaya kanye nomnyango
wokuThuthukiswa kwezomphakathi amiselwe ukusiza
emiphakathini yasemakhaya.
UNqgongqoshe wakucacisa ukuthi iliphi iqhaza
elingabanjwa abaholi bezinkolo nabaholi bendabuko
yokuxazulula izinkinga zeminyaka okungeyona ekhonjiswe
komazisi yabahola impesheni emphakathini yabo.
Labaholi bangabhala isitatimende esibizwa ngokuthi
iafidavithi enkantolo ukwenza isiqiniseko ngeminyaka
yomuntu eyiyo bese kuthunyelwa kumnyango wasekhaya
ukuze bakhiphe umazisi omusha.
UDokotela uZola Skweyiya wayephatheke kabi kakhulu
mayelana nesimo sokwanda kwezintandane nabadala
endaweni ezikude zasemakhaya, washo nokuthi ukhungathekile
mayelana nokuphazamiseka okulethwa igciwane lengculazi,
indlala nokuhlupheka emiphakathini. "Uma
umuntu okumele athole umxhaso engawutholi lokhu
kuhlukumeza umndeni wonke nesithunzi sakhe njengomuntu
ngeke sikuvumele lokho kwenzeke" Wagcizelela
ukuthi kunesidingo sokuthi amabhizinisi, izinhlangano
zomphakathi kanye noHulumeni ukuthi basebenzisane
ukuze kuthi imibono ehlukene ngezombusazwe ezindaweni
ezisemakhaya nasemadolobheni kungavimbi ukusabalalisa
kwamaphasela okudla emphakathini edingayo.
Uphinde wabika mayelana nokusetshenziswa kwezimali
ezingeke zibe ngaphansi kuka 1,5 billion rands
ezimalini zikaHulummeni ezibekwe kuzozonke izifunda
ezinhlelweni zokwehlisa izinga lobuphofu, uhlelo
lukazwelonke lokudla okudingakala ngokushesha,
ukusekela imiphakathi nonakekelo lwasemakhaya
kanye nosizo lwabantwana ngohlelo olusha olubizwa
ngokuthi iComprehensive Social Security System.
Uma ufuna ulwazi oluningi, qondisa imibuzo yakho
eminyangweni yezokuthuthukisa kwemiphakathi:
Kgati Sathekge
Tel: (012) 312 7775
Fax: (012) 312 7943
Cell: 082 808 9486
Email: kgati.sathekge@socdev.gov.za
/ or michaelf@socdev.gov.za
<<Back |
