Thatha izinyathelo - Umbono womphakathi engqungqutheleni yeNgculazi eyayibanjelwe eNingizimu Afrika.

Ababemele uHIVAN babebambe iqhaza engqungqutheleni yeNgculazi eyayibanjelwe eThekwini kulonyaka, ikakhulukazi ngenhloso yokuxhumana nezinye izinhlangano ezisafufusa ezazizonikwa ithuba lokuba ziziveze, zikhombise ngezinto zazo ezizenzayo ematafuleni ayebekiwe, kuxoxiswane nangokungekho ohlelweni futhi kwabelwane ngezincwajana, amaphephandaba kanye nemibono.

UNhlanhla Ndlovu owabe evela kwaIDASA lapho benikeza khona ulwazi ngohlwa lwezezimali emkhakheni weNgculazi kanye nasezimalini zomphkathi. Wabika ngocwaningo olwalusanda kwenziwa uHulumeni wezifunda ngokusetshenziswa kwezimali ngasohlangothini lwezeNgculazi, okwakhombisa ukuthi sebukhona ubungcono ngokwabiwa kwezimali ngasohlangothini lomphakathi eminyakeni emibili eyedlule, nakuba ukusetshenziswa kancane kwezimali kuseyinkinga. Wachaza ngesimo sezinselelo uHulumeni wasekhaya abhekene nazo kuloluhlelo, futhi wabe esechaza ngomthetho sisekelo osakhiwa ozobhekana nalesisimo kusasa.

Ukuhlanganisa lemibiko, abacwaningi be - IDASA baxoxisana nezikhulu zomnyango wezeMpilo, ezeNtuthuko kanye nowezeMfundo, nakuba imali eningi ibitholakala ngenxa kaHulumeni futhi sebeyitholile indlela lemali ezokwabiwa ngayo ezinhlelweni zomphakathi ngonyaka ka2002 no2003. Izinkinga ezaba ukhiye ekuvimbeleni ukwabiwa kwalezimali kwaba ilezi.:

1) Izinqubo ezilukhuni "Zesimo Somxhaso" wezimali
2) Nokungabi nawo kahle amakhono okuphatha komnyango wezimali.

Abaphathi bomnyango wezifunda sebeqalile ukuhlela ukwabiwa kwezimali ngendlela okuyiyo kulabo abantulayo noma abadingayo.

Ezinye izifundo ezabuyekezwa engqungqutheleni zakhombisa izinkinga abasebenzi bezempilo ababehlangabezana nazo uma sebebhekene nesifo sengculazi, umthetho wamalungelo abantu abaphila nesandulela ngculazi negciwane lengculazi, inqubekela phambili yemizamo yocwaningo lwemithi, ukubamba iqhaza komphakathi kucwaningo lwesandulela ngculazi kanye nokutholakala kwamakhambi (anti-retroviral). Ekuthuleni kwemibiko yabo, ososayensi bemiphakathi kanye nabamele izakhamuzi zomphakathi bachaza ngasebekuzuzile, okwakubabuyisela emuva kanye nenqubekela phambili nokufuna izixazululo ekulweni nobhubhano.

Kwagxilwa kakhulu ezindabeni eziphathelene nokunikezwa kwezindlu kanye nokudla, ekulweni nobuphofu kanye nokuzinikela ukuthi ululekwe ukuze uhlolwe igazi(VCT). Iqiniso ukuthi abacwaningi nezikhulu zikaHulumeni zazitikatana nezinyathelo ezingazithatha ekulweni nalezizinkinga, ngaphandle kokukhuluma ngokubaluleka komsebenzi wazo, kodwa kwakhombisa ukuthi ikhona inqubekela phambili kanye nokuzinikela okuqotho ekuzuzeni impumelelo kuzozonke izigaba.

Ngokuthanda kwanikezwa umbiko mayelana neYabonga Project, lesi isibonelo esigqugquzelayo esinika amandla kulabo abesifazane abaphila nesandulela ngculazi kanye negciwane lengculazi. Kwavela isidingo sokuthi kuqeqeshwe omama abaphila negciwane kanye nokuthi bakwazi ukuthola ukujoyina amanye amaqembu azobasekela ukuze basindise izingane zingabi izintandane, nokuthi banyuke izinga lomphakathi.

Ngonyaka ka2003 no 2004, omama abangamashumi ayisikhombisa abaphila negciwane lengculazi baqeqeshwa njengeziguli ezazizomela ukuthi zilashwe, okwakuzothi uma sebeqedile bakwazi ukusebenza njengabaluleki nabaqaphi bezinhlelo zemithi yokwelashwa. Labomama babezosiza amaqembu anakekelayo kwezempilo ekunakekeleni amaqembu amakhulu eziguli emiphakathini. Loluhlelo luphethwe amavolontiya, ngakho ke amanani akhona aphansi, futhi ukubhebhetheka kolwazi namakhono eningini kulabo ababambe iqhaza kuqinisekile. Ukungena kwezimali sekwenze uqeqesho lungami, nalabo abaneziqu basebenzele izinkampani ezibakhokhelayo.

Uma ufuna ulwazi nge Yabonga Children’s Project, thintana:

Dr Ursel Berlin (Umxhumanisi)

Private Bag x1, Mowbray, Cape Town 7705

No 2 Main Road, Wynberg, Cape Town 7800

Tel: (021) 761 2940

Fax: (021) 761 3407

<<Back