Dlulisa
Ngokushesha! Khetha ukuphila impilo engcono
 Enyangeni
kaJuly 2003, eNyuvesi yaseNatal emkhakheni wezifundo
eziphathelene nengqondo yomuntu eThekwini, bahola
iqembu lezivakashi labafundi bebanga leshumi nanye
elalivela esikoleni iChesterville Extension High.
Uhlelo lalubizwa ngokuthi "Dlulisa Ngokushesha"
futhi lalugxile ekunikeni abafundi amakhono okuziphatha
empilweni kanye nokungabasiza ekutheni bacabange
kalula ngekusasa labo.
Uhlelo olwathatha izinsuku ezinhlanu labajabulisa
futhi lwalunezinye izinhlelo zokufunda ezifaka
imikhakha ehlukene yemisebenzi, umdanso, umculo,
amaqembu okuzidela e Roseland esikhungweni sokuzijabulisa
e Richmond, uhambo lwaseNyuvesi, ukufunda, ukubhala,
ukuthatha kwezithombe nokuxoxisana nalabo ababeyizibonelo
ezinhle ababebagqugquzela.
Uhlelo lwalwakhelwe ukubonisa abafundi ngezingqinamba
kanye namathuba angabaphunyuka ezikhaleni kusukela
ebunganeni babo baze babe badala, nokuthi bakwazi
ukuphila ngokuziqhayisa ngokushintsha kwezikhathi
nasebunzimeni. Iqembu elalisiza lathatheka kakhulu
ngenxa yomoya ofudumule kanye nomfutho labantu
abasha ababenawo mayelana naloluhlelo lwe Holiday
Club. "Kwakungekho ukuphikisana noma ukwahlukana
phakathi kwabo", kusho oyedwa wabo. "Babecula
ebhasini, besebenzisana kahle njengeqembu, futhi
noma umsebenzi ababenikwe wona unzima, ekekho
owayebalisa noma owuyeke ashiye phakathi."
Uhlelo lobulili lwathatha ilanga lonke olwenza
abafundi ukuthi bakwazi ukucabanga nokuqiniseka
ekutheni bathathe izinqumo ngabodwana mayelana
nempilo yobulili. Uhlelo lwaluqukethe amaqininso
ngesandulela ngculazi nengculazi kanye nezinye
izifo ezithathelana ngokocansi olungaphephile,
nemiphumela yokukhulwela kwabantu abasha nocansi
olungaphephile. Izingxoxo zazivulelekile(kodwa
nokufihla) mayelana nokuphazamiseka komqondo kanye
nemisebenzi yokuya ocansini, njengokuzihlonipha
wena kanye nabanye, bakhonjiswa ukuthi ijazi lomkhwenyana
lisetshenziswa kanjani, elabesifazane nelabesilisa.
Loluhlelo lwaluphethwe abafundi abalulekayo abaqeqeshiwe,
nabo ababebhekwe othisha abagogodiwe.
Babukiswa ifilimu elalikhuluma ngomndeni owabe
uhlukunyezwe igciwane lengculazi. Lomndeni wabonana
futhi waxoxisana noMusa Njoko kanye Lucky Mazibuko
abagquguqzelayo. Amaqembu abe esexoxisana ngezinkinga
noma ukuhlukumezeka lomndeni ohlangabezana nako,
ezothando, ukuxolelana, ukusingathana nokukhululeka,
nokuthi lokhu kungabasingatha kanjani abahlukunyezwe
igciwane lengculazi.
Umxhumanisi wezinhlelo zomphakathi wakwa HIVAN
uDudu Zondi wakhuluma nabafundi 'Ngokuphila Ngokuzethemba"
echaza ngokuthi "emva kokuthuka nokungamukeli
ukuthi imiphumela yakho yegazi ithi unalo igciwane,
zikhona izindlela zokwenza ukuthi uhlale uphilile
futhi usebenze iminyaka eminingi, ukudla okunomsoco,
ukuzivocavoca, ukuphumula ngokwanele nokwehlisa
izinga lokucabanga kuyadingeka ukuze unike amasosha
akho omzimba amandla," washo uDudu. Futhi
ukhumbule ukuthi umqondo uyawuthikameza umzimba
ngakhoke ubungani, injabulo, uxolo, umthandazo,
ithemba nesithunzi konke kubalulekile ukuze uphile
futhi welapheke.
UDudu wagcizelela ngokubaluleka kokwehlisa izinga
lokubukela phansi abaphila nesandulela ngculazi
nencgulazi nokuzinikela kokuhlola igazi(VCT) lokhu
okugcizelela ukuthi umuntu unaso yini isandulelangculazi,
ukuvumela ukuthi umuntu athathe izinqumo ezinqala
ngekusasa lakhe. Wabalula ukuqeqeshwa kwabantu
abasha ukuze baqeqeshe otanga babo, ukwalulekwa
kanye nezinye izinhlelo ezinziwa kulesisikhungo
esibizwa ngokuthi iCampus HIV/AIDS Support Unit
esiseThekwini, eMgunguNdlovu kanye nase Edgewood.
Lathi seliphela isonto kwabe sekunikezwa imiklomelo
kulabo ababebhale kahle izindaba. Ubuso babafundi
babugcwele ukukhanya nokumamatheka kwabo kwakugcwele
ithemba. Bacela ukuthi baphinde bamenywe ezinhlelweni
zamakhono okuziphatha ezinjengalezi, abaqguqguzeli
bazobe behlela ngenqubekela phambili yohlelo luka
"Dlulisa Ngokushesha."
<<Back
|
