Indoda Eqotho e Byrne Valley

UGoodman Madondo akaqali ukubhekana nezinkinga. Esemncane wagulelwa, wafelwa, walamba wabhekana nezinkinga, khona emndenini wakhe nasemphakathini ayehlala kuwona futhi esebenza khona, ethule enjalo, uyindoda ephokophele futhi ekhetha kutholakale izixazululo zomthwalo nezinkinga ezisuke zikhona.

Ilokishi laseRichmond lakhiwe endaweni engamakhilomitha engamashumi amahlanu uma usuka eMgungundlovu emaphandleni lakunamapulazi, amahlathi nendawo yofishi. UGoodman wezala esuka eDonnybrook eneminyaka eyisikhombisa ezohlala noAnti wakhe emva kokuba sekushone uMawakhe. Emva kokuba eseqede ibanga lesikhombisa, wsebenza njengomnakekeli wezingadi emva kwalokho wabe esesebenza njengoweta kwenye indawo yokudlela eseduzane, kodwa ngasosonke isikhathi wayehlala efuna ukuzuza okuningi empilweni. Enodadewabo owayekhubazekile nobaba wakhe esemdala, wayefuna ukusingatha umndeni wakhe ngosizo lwezezimali.

Ngenkathi ubugebengu budlangile eByrne Valley ngonyaka ka 1990, uGoodman wabona ithuba lokuthi azisebenze futhi eqguqguzelwa na abanikazi bezinto endaweni, wahlala phansi waqala ibhizinisi lakhe lonogada. Ngonyaka ka 1997 wahlanganisa waqeqesha iqembu lonogada elalizozulazula futhi ligade izinto nendawo yakhona eByrne Village. Kwathi ngesikhathi inkampani enkulu yonogada isizama ukumphuca, imqophisa ngokuthi "inkampani yakhe ayikho emthethweni" uGoodman waphendula ngokuthi athathe isinyathelo ngokuthi abhalise inkampani yakhe njengebhizinisi elibizwa ngokuthi "Abavikeli"noma "abantu abaphethe". Manje usenamadoda ayisikhombisa awaqashile amsebenzelayo.

UGoodman uhlale exoxisana nabahlali kuwona wonke amakhona omphakathi eRichmond nasezindaweni ezisondelene nakhona, usebonile ukuthi isandulela ngculazi nengculazi sekubange okukhulu ukuhlukumezeka kubona, ngendlala, ukungabi namakhaya nokulahla ithemba. Nakuba abantu abaningi bebelokhu begula futhi befa, akekho onolwazi oluningi ngesifo sengculazi nanokuthi bangasebenza kanjani naso. "Abasebenzi bezempilo emtholampilo babhizi kakhulu ukuthi bangenza okungaphezulu ngaphandle kokwelapha izimpawu," usho njalo.

Wahlanganisa iqembu elababekhathazekile endaweni, bakha ikomidi labazovolontiya emphakathini, futhi bebonke babezama ukuthola futhi badlulise ulwazi baqeqeshe ngamakhono kulabo abangasebenzi, bekwenza loko besaqhubeka nokunakekela labo abagulela emakhaya. "Inkinga kwaba ukuthi izinhlelo zokungenisa imali zazingakazifezi
izinhloso zazo, ngenxa yokuthi abaqeqeshi abanawo amandla futhi bayagula ukuthi bangaqhubeka balandela," kuchaza uGoodman.

Nakuba ukufa sekuthathe amavolontiya amaningi nekomidi nalo selilahlekelwe indlela engasebenza ngayo, uGoodman uneqembu lamaqabane angamashumi amabili nesithupha eliqhubekayo nokuziqeqesha nokunakekela omakhelwane abagulayo. Enyangeni kaOctober leliqembu labamba iqhaza kuqeqesho lwengculazi olwaluxhaswe iKampani yakwaSappi, okuyiyona eqasha kakhulu kulesisifunda. Behlangene emakhazeni, kunetha eRichmond endlini endala yaseNkantolo, kukhona noGoodman ophethe uhlelo futhi owayebabatolikela, bababelana ngolwazi abanalo ngesifo sengculazi benomqeqeshi uRenalto Palmi, owabanikeza imibhalo esemaphepha bhukwini enemininingwane yengculazi engakhokhelwa namajazi abakhwenyana.

Uhlelo lokuqeqesha lwalumbandakanya ukwaluleka, ukubonisa ukuthi isandulelengculazi singenana kanjani, ukuzinikela ukwalulekwa nokuhlolwa igazi, ukusetshenziswa kwamakhondomu, ukubandlululwa kwabantu abaphila negciwane lengculazi kanye namalungelo abo, kanye nesici nokungahlukumezeki kwabesifazane. Amavolontiya bagcizelela ubumpofu, ukungalingani nesici esabe sibhebhezelisa igciwane, ngalokhu , Ingculazi yabe isithatha ngokushesha laba abondla emakhaya nalabo abanakekelayo.

Iqembu lacela kuqhutshekwe nokuthi liqeqeshwe nokunikwa ulwazi, elinye lamavolontiya lanikela ngendawo engenalutho engasatshenziswa eseduze nomgwaqo ibe isikhungo esizokwamukela abantu, balulekwe, badluliselwe kwezinye izikhungo, uGoodman ongumqguqguzeli wawuthakasela kakhulu umsebenzi ngalezozinsuku nezinhlelo zemihlangano zokulandela zisenziwa.

Wamemezela wathi: Anginalo igciwane futhi ngizohlala nginjalo. Ngifisa sengathi wonke umuntu angangaba nalo igciwane, yikona ngizama ukuletha ulwazi emphakathini, ngisakwazi nokubasiza laba abanegciwane. "Ngenxa yalokhu, washiya wahamba waya ezintandaneni ezintathu azinakekelayo futhi azifundisayo. "

<<Back