IMIPHAKATHI YEZINKOLO IHLANGENE EKULWENI NESIFO SENGCULAZI

Sebezuze lukhulu eUganda ekulweni nesifo sengculazi. Ngonyaka ka 1993, inani labantu abebenesandulelangculazi belingu 30% - obekuyinani eliphezulu emhlabeni wonke kodwa ngonyaka ka2003 lelinani lehle laba ngu 6.5%. Kokunye lokhu kwavela ngezindlela eziqhamuka kuHulumeni zokunikeza ulwazi, imisebenzi yokuvimbela ukubhebhetheka kwegciwane eyenziwe amaqembu omphakathi kanye nokuxhaswa imiphakathi yamaChristian namaMuslim abahlanganyele ndawonye ekuhliseni izinga lokubukela phansi abanengculazi, nokunyusa izinga lokusizakala ezintweni eziphathelene nengculazi.

Eningizimu Afrika, sekunenani elikhulayo lezinhlangano zezinkolo ezihlanganyelene nokulwa negciwane lengculaza kwizifundazwe ezahlukahlukene. Ekuqaleni kukaMay kuwona lonyaka, ingqungquthela yezokholo yahlanganyela eThekwini ukuzobika ngemisebenzi yabo kanye nokucobelelana ulwazi ekuqhubezeleni imisebenzi ezoqiniseka imiphakathi ephilile. Amalunga e-African Forum yezinhlangano zenkolo kwi Reproductive Health ne HIV/AIDS, anike isiqiniseko sokuzinikela kwabo ekuthuthukisenio izidingo zomphakathi, ukuthola nokudlulisa ulwazi okuyilona, ukwehlisa izinga lokubukeleka phansi kwabanengculazi, ukucwaseka, ukugqugquzela ukutholakala kwemithi kanye nokunakekelwa kwalabo abahlukunyezwe igciwane lengculazi.

Engqungqutheleni ebikade ise-Durban Jewish Club, amalunga ezezinkolo Zomdabu, amaBhuda, amaIslami, amaJuda kanye namaBahai babonisana ngezindlela abangazisebenzisa ekulweni negciwane kanye nezinselelo abangabhekana nazo bengamabandla emiphakathi ebambisene nabaholi bamabandla ahlukehlukene. Bonke babehlangene kwinkanuko yabo yokuthatha izinyathelo zokulwa negciwane nangokunikeza uthando olungakhethile, ukuzwelana, ukuzinikela nokubuyisa isithunzi njengemithetho ebasekelayo, nokukhombisa ukuthi lemithetho kumele futhi kufanele isetshenziswe ekuxoxisaneni ngezihloko ngokwesiko okukade kungaxoxwa ngazo, njengezocansi nokufa.

<<Back