| Okuvelele
 Kuzo
zonke izigamu ze-SONDELA, sizofaka indaba ngelunga
lomphakathi wa KwaZulu Natal (KZN), elisebenza
ngokuzimisela okukhulu emzabalazweni wobhubhane
lwe sandulelangculazi / ingculazi (HIV/AIDS).
Baningi abazinikele ukunakekela nokusiza abantu
abane-HIV/AIDS, banikela ngesikhathi nomdlandla
wabo ngenxa yothando nokuthinteka. Ngakho-ke angeke
angatuswa amaqhawe enjenga lawa, I-SONDELA izohuba
ngengila iqhakambise iqhawe ngalinye ngesikhathi.
Kulokhu sihlangana no:
Nks Doris Mkhosi ovela e-Bergville
 Kusukela
ngo-1999, ngesikhathi ethole uqeqesho kwi Home
Based Care (uNakelelo lwase Khaya) ngohlelo lwe-World
Vision, ebambisene noMnyango wezeMpilo. Ubukeka
enamahloni nothando, uNks Mkhosi uhambela amakhaya
endaweni yase Bergville, oThukela.
Cishe uphelile unyaka, enakekela indoda egulela
ukufa kanye ndodakazi yayo eneminyaka eyi-10,
emzini wakhe. Unkosikazi walendoda washona ephethwe
I-HIV/AIDS okwabangela nokuthi nendodakzi yabo
iyeke ukufunda kuze isize uyise ogulayo. Emva
kokuba uNks Mhkosi ebanike ikhaya elinothando
nentokomalo, intombazanyana yabuyela esikoleni
nendoda, eyabe isigulela ukufa, yathokozela impilo
eyenziwe ncoco. Unks Mkhosi wayemnike izeluleko
nge-HIV/AIDS, nayo lendoda yasemukela isimo ekuso
seHIV. Intombazane incono kakhulu futhi iyathokoza
ukuba esikoleni.
Lomndeni ungowokuqala ukunakekelwa nguNks Mkhosi
emzini wakhe futhi kuyisinyathelo sobuqhawe njengoba
umyeni wakhe esathatha umhlalaphansi ebuthisheleni.
Alikho elinye ilunga lomndeni ebibanika imali.
Loku kungimsebenzi wosuku kuye njengoba emelana
nawo (phezu komsebenzi wekhaya lakhe) kanye nokuhambela
banye abagulila emakhaya abo. UNks Mkhosi uyachaza:
"Ngizinikele kulokhu, ngakho ngihlela isikhathi
ngokucophelela. Ngenza yonke imisebenzi yasekhaya
ukuze ngikwazi ukuhambela abagulela emzini yabo.
UNks Mkhosi uthi ukukholelwa kwakhe ekutheni
iziguli ze HIV/AIDS zinelungelo lokushiya lomhlaba
ngesizotha futhi lokho kuyamsiza uma ebhekene
nogulayo isikhathi eside. Umngani wakhe oqondayo
futhi oseke wahlangabenzana nalesimo uthi wazizwa
ehambaze enokwesaba okushaqisayo nokuphula inhliziyo
mhla ebona isinyathelo sokugcina se-AIDS ngenkathi
ehambele esibhedlela sase Emmaus, Bergville.
Kunezinto ezinengcindezi futhi zidinga isixazululo.
UNks Mkhosi uchaza ukuthi ngenkathi unkosikazi
wesiguli sakhe eshona, zabe singekho isitifiketi
sokuzalwa noma sokufa. Isiguli sakhe kuphela esabe
sinomazisi. Ngaleyo ndlela, kulukhuni ukuthola
isitifiketi sokuzalwa kwentombazane yabo ukuze
kutholakale imali esikhwameni soMnyangweni weZokuthuthukiswa
koMphakathi. "Isiguli sesiluleme futhi sekubonakala
izicubu emzimbeni, kodwa akanawo umdladla, udinga
nje umtholampilo, okuyimali yokugibela okumele
iphume kimi. Ngayiyisa empeshenini (indoda) ukuyorejista
ngo August, kodwa masibuyela nyangazonke ingekho
imali". Njengoba kubhalwa ngalendaba nje
ayikaze uphume imali.
Emaphethelweni enkulumo yethu, uNks Mkhosi wabhekisa
phansi ikhanda, walilela phansi. Wathi lezo kwakuyizinyembezi
zenjabulo, emva kokuzwa ngezindaba eziletha ithemba
ngama NGO's asebenza ukuthola izincwadi / izitifiketi
zeziguli ezisemakhaya (HBC). Kodwa kwaba yithi
esezwa sithinteka imiphefumulo ngokuxoxa naye-
ngoba kuyinduduzo ukuzwa ukuthi kunezi ngelosi
namaqhawe ahamba emhlabeni, Bergville, efafaze
uTHANDO noku KHANYA
OKUBALULEKILE
Ukubhalisa intandane, udinga isitifiketi sokuzalwa
somntwana kanye sokufa kwabazali. Abezenhlalakahle
abaningi bathwala umsebenzi wokuthola lokhu kuMnyango
Wezasekhaya kanti futhi amalungu amaningi omphakathi
awacaciselekile kahle ngalokhu. Emva kokuthola
imininingwane eyenele, I-HIVAN iyoshicilela leyo
mininingwanwe kwi-SONDELA nakusigcini'mniningwane
(website) sama NGO & CBO aphethe izinhlelo
ezigxile kwezezi-tifiketi. Ukuthola ulwazi oluthe
xaxa ngezinhlobo nenani lezimali zomphakathi,
bheka ikhasi …….
Imininingwane Ewusizo:
Isisyatholakala incwajana entsha yomphakathi emayelana
nokusiza izintandane, ihlelwe iSenta Yamalungelo
Ezingane yaseThekwini (Durban Children's Right
Centre). Xhumana no: Noreen Ramsden ngocingo ku:
031 307 6075
<<Back
|
